Qazaqstannyń eńbek sińirgen qaıratkeri Nýrıkamal Seıitjanqyzy dúnıe saldy, dep habarlaıdy Egemen.kz.
Nýrıkamal Seıitjanqyzy 1949 jyly 12 naýryzda Aqmola oblysy Derjavın aýdanynyń Bratolıýbovka aýylynda týǵan. Uzaq jyldar laýazymdy qyzmetter atqarǵan.
El arasynda keń tanylǵan «Nýrıkamal» ániniń keıipkeri. Ánniń sózin jazǵan - Hanbıbi Esenqaraqyzy, án avtory - Turdyqylysh Iztaev. Olar erli-zaıypty jandar. Án 1988 jyly jaryq kórgen. Nýrıkamalǵa ǵashyq bolyp qalǵan Turdyqylysh Iztaev osy ándi jazady. Ol kezde otbasynyń úsh balasy bolǵan.
Hanbıbi Esenqaraqyzy bir kúni jarynyń pıanıno janynda otyrǵanyn kóredi. Jarynyń Nýrıkamal esimdi boıjetkenge ǵashyq bolyp qalǵanyn biledi. Sol sátte jarynyń atynan Nýrıkamalǵa óleń jazyp, «Aıtqyń kelgeni osy ma edi?» dep óleńdi joldasyna ózi ákelip bergen eken.
Búginde bul án halyqqa Jubanysh Jeksenulynyń oryndaýymen keńinen tanymal.