«Qazgıdromet» RMK 16 sáýirge arnalǵan aýa raıy boljamyn usyndy, dep habarlaıdy Egemen.kz.
16 sáýirde respýblıkanyń basym bóliginiń aýa raıyna antısıklon jotasynyń yqpaly saqtalady. Osyǵan oraı jaýyn-shashynsyz kún raıy boljanady. Respýblıkanyń tek ońtústik jáne batysynda atmosferalyq frontaldy bólikterdiń ótýine baılanysty keı jerlerde jańbyr jaýyp, naızaǵaı bolady. Jekelegen óńirlerde tuman, jeldiń kúsheıýi bolýy múmkin.
Atap aıtqanda, Jambyl, Túrkistan oblystarynyń keı jerlerinde jel 15-20 m/s kúsheıedi.
Soltústik Qazaqstan, Pavlodar oblystarynyń keı jerlerinde tuman kútilip, kúndiz jel 15-20 m/s artady.
Almaty oblysynyń Alakól aýmaǵynda jel 15-20 m/s kúsheıedi.
Qostanaı, túnde jáne tańerteń Mańǵystaý, Atyraý oblystarynyń keı jerlerinde tuman boljanady.