Erkin kúresten Qazaqstan komandasy úzdikteriniń biri Nurqoja Qaıpanov eki dúrkin Azııa chempıony atandy dep habarlaıdy Egemen.kz Olympic.kz saıtyna silteme jasap.
74 kelige deıingi salmaqta beldesken ol fınalda ırandyq Mustafa Hoseınhanımen kezdesip, 6:2 esebimen jeńiske jetti.
Birinshi kezeńde 0:2 esebimen utylyp jatqan Qaıpanov ekinshi kezeńde kúshine minip, óziniń chempıondyq ataǵyn qorǵap qaldy.
Eske sala keteıik, Nurqoja Qaıpanov 2019 jyly Qytaıda ótken Azııa chempıonatynda da top jarǵan bolatyn. Byltyrǵy maýsymnan bastap Nurqoja olımpıadalyq salmaqqa aýysty.
Bul Qazaqstan komandasynyń Azııa birinshiligindegi ekinshi altyny. Keshe erkin kúres sheberi Talǵat Syrbaz 70 kelide jeńiske jetken bolatyn.