Qazaqstan Respýblıkasynyń Kóliktegi Bas memlekettik sanıtarlyq dárigeriniń qaýlysyna baılanysty «qyzyl aımaqta» ornalasqan temir jol vokzaldaryna kútip alýshy jáne shyǵaryp salýshy adamdardyń kirýi shektelgen.
«Sondyqtan biz jolaýshylardan saparlaryn aldyn ala josparlap, ár óńirdegi sanıtarlyq-epıdemııalyq jaǵdaıdy naqtylaýdy suraımyz. Koronavırýs pandemııasy men jaǵdaı týraly barlyq aqparatty Qazaqstan Respýblıkasy Densaýlyq saqtaý mınıstrliginiń jedel jeli telefony-1406 jáne saıttan bilýge bolady: https://www.coronavirus2020.kz/. Jolaýshylardan temir jol vokzaldary aýmaǵynda jáne jolda búrkemeleý rejimin saqtaýdy suraımyz. Eger sizde qandaı da bir suraqtar týyndasa, vokzal boıynsha kezekshige jáne vagon jolserigine habarlasyńyz», deıdi «QTJ» UK» AQ baspasóz qyzmeti.