Búgin redaksııamyzǵa Jambyl oblysynan Maıdan Orynbaev esimdi oqyrmanymyz habarlasyp, fýtboldan Qazaqstannyń birneshe dúrkin chempıony, KSRO zamanynda dańqy aspandaǵan Almatynyń «Qaırat» klýbyna aıtar bazynasy bar ekenin jetkizdi, dep habarlaıdy Egemen.kz tilshisi.
Fýtbol jankúıeri Maıdan Orynbaev ishki birinshiliktegi oıyndaryn Ortalyq stadıonda ótkizetin atalǵan ujym fýtbol alańynyń «Batys» trıbýnasyndaǵy elimizdiń aty jazylǵan «Qazaqstan» ataýyn klýbtyń úsh jeıdesimen jaýyp turǵanyn el ataýyna degen qurmetsizdik dep esepteıdi.
«Ataǵy dardaı «Qaırat» degen fýtbol klýby óz elimizde Qazaqstan degen qasıetti sózdi óshirip tur. Olardyń bul áreketi qalaı namysqa tımeıdi? Áıtpese sol klýbtyń basy-qasynda júrgen jandardyń bári qazaq, biraq birde-bireýiniń namysy joq. Stadıonnyń basshylyǵy, qala berdi, «Qaırat» klýbynyń basshysynege bul máselege nazar aýdarmaı otyr?», dep oqyrmanymyz óz kúıinishin jetkizdi.
Osy másele boıynsha «Qaırat» klýbyna habarlasqanymyzda, saýalymyzǵa jaýap beretin resmı tulǵa bylaı tursyn, telefon tutqasyn kóteretin birde-bir jan tabylmady. Áleýmettik jeli arqyly da joldaǵan saýalymyz jaýapsyz qaldy.
О́zderin «Halyqtyń komandasy» dep sanaıtyn jáne solaı aıtatyn «Qaırat» klýbynyń basshylyǵy halyqtyń únine qulaq asady dep oılaımyz.