Keshe Serbııanyń astanasy – Belgradta bokstan «Belgrade Winner» dep atalatyn halyqaralyq týrnırdiń tusaýy kesildi. Bul jarysta birqatar memleketten kelgen bylǵary qolǵap sheberleri baq synaýda.
Qazaqstan ulttyq quramasynyń bas bapkeri Ǵalymbek Kenjebaev Dýnaıdyń jaǵalaýyna Sáken Bıbosynov (52 kılo), Serik Temirjanov (57 kılo), Ertýǵan Zeınýllınov (63 kılo), Abylaıhan Júsipov (69 kılo), Vasılıı Levıt (91 kılo) jáne Nurlan Saparbaı (+91 kılo) syndy talaı dúrmekte ysylǵan beldi boksshylardy aparýdy jón kórdi. Olardyń aldy Olımpııa oıyndary men álem chempıonatynda júlde alsa, ózgeleri halyqaralyq týrnırlerde atoı saldy.
Sonymen qatar Serbııada Ermahan Jaqpekov (75 kılo), Nurqanat Raıys (75 kılo) jáne Nurbek Oralbaı (81 kılo) saıysqa túsýde. Olar – osyǵan deıin jastar býyny arasyndaǵy kóptegen jarysta jasyndaı jarqyldap, eresekter arasyndaǵy elishilik jarystarda ózderin moıyndatqandar.