Nur-Sultanda jedel járdem kóligi jol apatyna ushyrap, bes adam zardap shekti, dep habarlaıdy Egemen.kz qalalyq Polısııa departamentiniń baspasóz qyzmetine silteme jasap.
Belgili bolǵandaı, 22 sáýir shamamen saǵat 17:51-de LADA júrgizýshisi Nur-Sultan - Malotımofeevka tasjolymen A1 kóshesine qaraı kele jatyp kólikti basqara almaı, «Qalalyq juqpaly aýrýlar aýrýhanasy» MKQK-ne tıesili ÝAZ avtokóligimen soqtyǵysqan. Osy sátte jedel járdem kóligi joldyń shetine shyǵyp ketken.
«Oqıǵa saldarynan túrli jaraqat alǵan júrgizýshi men ÝAZ kóliginiń bes jolaýshysy aýrýhanaǵa jetkizildi, onyń tórteýi dárigerlerdiń qaraýynan keıin úıine qaıtaryldy. Atalǵan derek boıynsha tekseris júrip jatyr», delingen habarlamada.