Sońǵy jyldary kólikti alkagoldik ishimdik iship júrgizýge jol bermeý maqsatyndaǵy jazalar qataıtyldy.
Ákimshilik qamaýǵa alynady, júrgizýshilik kýáliginen aıyrylady. Degenmen, «urttap alyp» kólik basqarý tyıylmaı tur. Kúni keshe Ishki ister mınıstrligi Ákimshilik polısııa komıteti tóraǵasynyń orynbasary Serik Túsipov jyl basynan beri mas kúıinde kólik aıdaǵan 5,2 myń júrgizýshi ustalǵanyn málimdedi. Jol qozǵalysy erejelerin buzǵany úshin 6 myń júrgizýshi kólik júrgizý quqyǵynan aıyryldy, 5,3 myń adam ákimshilik qamaýǵa alynǵan.
Al Túrkistan oblysynda jyl basynan bergi úsh aıda 135 jol-kólik oqıǵasy oryn alyp, 35 adam qaza bolǵan. Jaraqat alǵany – 186 adam. Sonyń ishinde 6 jol-kólik oqıǵasy mas halde kólik júrgizý saldarynan bolǵan. Oblystyq polısııa departamenti baspasóz qyzmetiniń málimetinshe, mas halde kólik basqarǵan azamattarǵa qatysty 226 hattama toltyrylǵan.
О́kinishke qaraı, kólikti «ashy sýdy» simirip alyp, rýlge otyrǵandardyń ishinde memlekettik qyzmetshiler de bar. Biraq bizdiń aıtaıyn degenimiz bul ǵana emes, osyndaı júgensiz júrgizýshi-sheneýnikterge qoldaý kórsetken basshylarǵa da qatysty derekter edi. Jýyrda Túrkistan oblystyq Ádep keńesinde Shardara qalasynyń ákimi E.Beketke qatysty tártiptik isqaraldy. Máseleniń mán-jaıyna qaraǵanda, byltyr 28 tamyzda túngi mezgilde Shardara qalasy ákimi apparatynyń bas mamany M.Bekmuratov kólikti mas kúıinde basqarǵany úshin ustalady. Úshinshi qyrkúıekte Shardara aýdandyq sotynyń qaýlysymen ol 15 táýlikke qamaýǵa alynady. Sheneýnik osylaısha 3-18 qyrkúıek aralyǵynda Jetisaıda jazasyn óteý úshin qamaýda otyrǵan. Munyń aldynda, dáliregi 1 qyrkúıekte ol ákimdikke kelip, jalaqysy saqtalmaıtyn demalys alýǵa ótinish jazady. Ony Shardara qalasynyń ákimi E.Beket qanaǵattandyryp bergen. Tekserýshilerge bergen túsiniktemesinde ol qaramaǵyndaǵy qyzmetkeriniń masań kúıde kólik basqaryp, ákimshilik jaýapqa tartylǵanynan habarsyz bolǵanyn, ony bıyl qańtarda aýdandyq personaldy basqarý bólimi shaqyrǵan kezde ǵana bilgenin málim etedi. Buǵan senýge bola ma? Álde Shardarada sheneýnikter mas bolyp, kólik aıdap kúnde ustalyp jatyr ma? Qalaı deseńiz de, E.Bekettiń qaramaǵyndaǵy qyzmetkeriniń memlekettik qyzmetshige jaraspaıtyn qylyq tanytyp, qamaýǵa alynǵanyn baqandaı tórt aı bilmeı kelgeni kúmán týdyrady. Ákim 1 aqpanda M.Bekmuratovqa «qatań sógis» jazasyn beredi. Alaıda ol ózine tıesili mindetti tolyq oryndamaǵan. Atap aıtqanda, Ádep kodeksiniń 8-tarmaǵy, 2-tarmaqshasynda kórsetilgen mindeti boıynsha bolǵan jaıtty basshylarǵa, ádep jónindegi ýákilge habarlamaǵan. Ádep keńesi músheleriniń sheshimimen E.Beketke «qatań sógis» jazasyn berý týraly usynys Shardara aýdanynyń ákimine joldandy.
Dál osyndaı jaǵdaı kórshiles Jetisaı aýdanynda kezdesken. Jetisaıdaǵy jaǵdaı budangóri shym-shytyryqtaý. Maqtaly aýyl okrýgiákimi apparatynyń bas mamany N.Káribaev byltyr 26 sáýirde kólik quralyn basqarý quqyǵy joq bola tura, spırttik ishimdik iship, masań kúıde avtokólik júrgizip ustalady. Úshkúnnen soń oǵan Jetisaı aýdandyq sotynyń qaýlysymen 20 táýlik merzimge ákimshilik qamaqqa alý jazasy taǵaıyndalǵan. Sotta óziniń jumyssyz ekendigin aıtyp, shyndyqty jasyrǵan N.Káribaev birden qýlyqqa kóshken. Olmunyń sońy tártiptik jazaǵa aparyp soǵatynyn túsingendikten, dereý eńbekke jaramsyzdyq paraǵyn ashtyrady. Tekserý barysynda onyń ótirigi áshkerelenip qalady. Osy kóz boıaýshylyqqa járdemdeskeni úshin Asyq ata aýrýhanasy bas dárigeriniń orynbasary men dáriger sógis túrindegi tártiptik jazaǵa tartyldy. Eń qyzyǵy mynada, bas maman 29 sáýir men 19 mamyr aralyǵynda Jetisaıda qamaýda jatqan kezde Maqtaly aýyldyq okrýginiń ákimi M.Abdýmajıtov N.Káribaevty 15 mamyrdan bastap jumysqa shyqty dep, oǵan eńbekaqy tólegen. О́ziniń bergen túsiniktemesinde aýyl ákimi de qaramaǵynda qyzmetkeriniń mas bolyp, kólik aıdaǵanyn, ákimshilik qamaýǵa alynǵanyn bilmegenin alǵatartady. Munyń da arǵy jaǵynan kúmán-kúdik qyltııady. M.Abdýmajıtovqa «qyzmetine tolyqsáıkes emestigi jónindegi eskertý» jazasyn berý jónindegi usynys Jetisaı aýdanynyń ákimine joldandy.
Osy oraıda general-maıor Qaırat Dálbekov basqaryp otyrǵan oblystyq polısııa departamentiniń qyzmetkerleri jol erejesin buzýshylardy anyqtap, qylmystyń aldyna alý, shen-shekpenine qaramaı zańdylyqty talap etý baǵytynda nátıjeli jumys isteýde.
Qaramaǵyndaǵy qyzmetkerlerin qorǵashtap, tártiptik jazaǵa tartylǵan ákimderdiń áreketi jaıly jurt pikiri ártúrli. Alaıda búginde mas júrgizýshilerdiń kesirinen qanshama jol-kólik oqıǵasy oryn alyp, sońy qaıǵyǵa ulasyp jatyr emes pe?! Sondyqtan kólikti mas kúıinde aıdaǵan sheneýnikterdi kez kelgen qoldaý eshqandaı aqtaýǵa jatpaıtynyn aıta ketken jón shyǵar.