Jer komıssııasy qysqa ýaqyt qana jumys istedi. Biraq ýaqyttyń tyǵyzdyǵyna qaramastan, jer máselesine qatysty aýqymdy ári ózekti kóptegen suraqty talqylap úlgerdik.
Komıssııa jumysynyń nátıjeli bolǵandyǵy aldyn ala qurylǵan shaǵyn toptardyń atqarǵan tyńǵylyqty eńbekteri men jer máselesine ádil kózqarasynyń arqasy dep bilemin. Sebebi osy toptardyń jumysynda kóptegen mańyzdy másele jan-jaqty zerdelenip, komıssııa nazaryna eń ózektileri ǵana usynyldy.
Qyzý talqyǵa túsken máselelerdiń aldyńǵy qatarynda – jerdi jalǵa berý, jalǵa berý ýaqytyn uzartý, sýbarenda, jerdi jalǵa alý quqy boıynsha ózara qarym-qatynastardy zańdastyrý sekildi kópshilikti tolǵandyryp júrgen máseleler boldy.
Eń mańyzdysy – komıssııanyń basty sheshimi – jerdi satýǵa aldaǵy 5 jylǵa moratorıı jarııalaý uıǵaryldy. Bul – qazirgi ýaqyttaǵy eń durys sheshim. Jer taǵdyry tarazyǵa túsken syn saǵatta qabyldanǵan bul sheshimdi jer komıssııasynyń osy ýaqytqa deıin atqarǵan aýqymdy jumysynyń úlken jetistigi dep bilemin.
Ivan SAÝER,
«Atameken» ulttyq kásipkerler palatasy Tóralqasy Agroónerkásiptik kesheni komıtetiniń tóraǵasy