26 jáne 27 sáýirde elordadaǵy N.Gogol kóshesinen Igilik kóshesine deıingi aralyqtaǵy Tashkent kóshesinde qozǵalys jartylaı jabylady, dep habarlaıdy Egemen.kz
«Nur-Sultan qalasynyń Kólik jáne jol-kólik ınfraqurylymyn damytý basqarmasy» MM Nur-Sultan qalasy PD ákimshilik polısııa basqarmasymen birlesip jol-qurylys jumystaryn bastady. Osyǵan baılanysty 26 jáne 27 sáýirde N.Gogol kóshesinen Igilik kóshesine deıingi ýchaskedegi Tashkent kóshesi boıynsha qozǵalys ishinara jabyldy.
«Qala joldarynda keptelis týdyrmas úshin elorda turǵyndary men qonaqtary qozǵalys baǵyttaryn aldyn ala josparlaýy qajet. Keltirilgen qolaısyzdyqtar úshin keshirim suraımyz jáne jóndeý jumystarynyń júrgizilýine túsinistikpen qaraýdy suraımyz», delingen vedomstvo habarlamasynda.