Memleket basshysy «Qazaq Republic» jobasynyń avtory Sáken Joldasty qabyldady, dep habarlaıdy Egemen.kz Aqordanyń baspasóz qyzmetine silteme jasap.
Prezıdent Qasym-Jomart Toqaevqa «Qazaq Republic» brendiniń damýy, jańa ázirlemeler men jobalardyń iske asyrylýy jaıynda baıandaldy.
Sáken Joldas Qasym-Jomart Toqaevqa otandyq kásipkerlerdiń pandemııa jaǵdaıyndaǵy jumysy, bıznestiń túıtkildi máseleleriniń sheshimi jáne memlekettik qurylymdar tarapynan kórsetilip jatqan qoldaý týraly aıtty.
Sondaı-aq áńgimelesý barysynda qazaqstandyq zamanaýı biregeılikti qalyptastyrý jóninde usynystar aıtyldy.
Prezıdent elimizdegi kreatıvti ındýstrııany damytýǵa memleket erekshe kóńil bólip otyrǵanyn atap ótti.