Qazaqstan áskeri álemdik áskerı qýat reıtıngi – Global Firepower 2026 boıynsha 145 eldiń ishinde 58-orynǵa jaıǵasty. Sarapshylar eldiń ásker sanyn, tehnıkasyn, avıasııasyn, qarjylyq múmkindigin jáne mobılızasııalyq resýrsyn eskergen, dep habarlaıdy Egemen.kz.
Esepke sáıkes, Qazaqstannyń jalpy áskerı áleýeti shamamen 300 myń adamdy quraıdy. Onyń ishinde 110 myń – belsendi áskerı qyzmetker, 135 myń – rezervtegi sarbazdar, al 55 myń – áskerılendirilgen qurylymdar qyzmetkerleri.
Eldiń áskerı bıýdjeti 5,8 mıllıard dollar dep baǵalanǵan. Bul kórsetkish boıynsha Qazaqstan álemde 54-orynda tur.
Áskerı tehnıka quramynda 168 áýe apparaty bar, onyń ishinde 37 joıǵysh ushaq, 13 soqqy berýshi ushaq jáne 72 tikushaq bar. Qurlyq áskerlerinde 353 tank, 17,4 myńnan astam áskerı tehnıka jáne 287 reaktıvti júıe bar.
Úzdik áskerı túlekterge birden «aǵa leıtenant» sheni berilýi múmkin
Sonymen qatar Qazaqstan aýmaǵy jaǵynan álemde iri memleketterdiń biri bolyp, 9-orynda tur.
Jalpy áskerı qýat ındeksi 1.0433 dep baǵalanǵan. Reıtıngte ındeks neǵurlym nólge jaqyn bolsa, eldiń áskerı kúshi soǵurlym joǵary dep esepteledi.
Al alǵashqy bestikke AQSh, Reseı, Qytaı, Úndistan jáne Ońtústik Koreıa kirgen.