Memleket basshysy Qasym-Jomart Toqaevtyń Qosshy aýylyn oblystyq mańyzy bar qala sanatyna jatqyzý týraly jarlyǵy ashyq talqyǵa shyqty, dep habarlaıdy Egemen.kz.
«Aqmola oblysy Selınograd aýdanynyń Qosshy aýyly oblystyq mańyzy bar qala sanatyna jatqyzylsyn. Osy jarlyq alǵashqy resmı jarııalanǵan kúninen bastap qoldanysqa enedi», delingen jarlyq jobasynda.
Qosshy aýyly – Selınograd aýdanynyń aýmaǵynda ornalasqan aýyl. Jalpy kólemi - 2413 gektar. Aýdandyq ortalyǵy Aqmolǵa deıingi araqashyqtyq 36 shaqyrym. Kóshe-jol jelisiniń uzyndyǵy - 185 shaqyrym (asfalt - 34,4 shaqyrym) (qıyrshyqtas-shaǵyltas jabynymen - 50 shaqyrym, qara jol - 98,6 shaqyrym). Sharýashylyq kitaby boıynsha halyq sany - 50 600 adam.
Joba 13 mamyrǵa deıin ashyq talqylanady. Oǵan mana jerde qatysýǵa bolady.