Indýstrııa jáne ınfraqurylymdyq damý mınıstrligi «Qazaqstan Respýblıkasynyń keıbir zańnamalyq aktilerine kólik máseleleri boıynsha ózgerister men tolyqtyrýlar engizý týraly» zań jobasyn ázirlep, Úkimettiń qaraýyna engizdi, dep habarlaıdy Egemen.kz
Zańnamaǵa engizilgen ózgerister kelesi mindetterdi sheshedi:
- kóliktik baqylaý júıesinde adam faktory men sybaılas jemqorlyq táýekelderin joıý;
- avtojoldardyń saqtalýyn arttyrý, ákimshilik kedergilerdi azaıtý;
- Qazaqstan Respýblıkasynyń aýmaǵy boıynsha iri kólemdi jáne aýyr salmaqty avtokólik quralynyń júrip ótkeni úshin jınalatyn alymdar esebinen respýblıkalyq bıýdjet kirisin ulǵaıtý;
- Kaspıı teńiziniń qazaqstandyq sektorynda sýǵa batqan sheteldik kemelerdi kóterýdiń quqyqtyq tetikterin belgileý;
- temirjol kóligindegi apattardy, sondaı-aq kemelerde bolatyn apattyq jaǵdaılardy tergeýdiń qoldanystaǵy tetikterin jetildirý;
- ushý qaýipsizdigi men áýedegi qaýipsizdikti arttyrý;
- azamattyq avıasııanyń tranzıttik áleýetin nyǵaıtý jáne Qazaqstannyń avıasııalyq bılik oryndarynyń ókilettikterin kúsheıtý jáne bedelin arttyrý;
- jalpy kólik salasyndaǵy zańnamany jetildirý.
Zań jobasynda:
- azamattyq avıasııa salasyndaǵy ýákiletti uıymdy ınstıtýsıonaldyq damytý arqyly azamattyq avıasııa salasyndaǵy memlekettik retteýdiń tıimdiligin arttyrý;
- teńiz apattarynyń saldaryn joıýǵa baılanysty qatynastardy retteý, sondaı-aq batyp ketken keme men múliktiń ornalasqan jerin, belgileýin jáne joıylýyn anyqtaý úshin qarjylyq qamtamasyz etýdi belgileý;
- kemelermen bolǵan apattyq jaǵdaılardy, sondaı-aq temirjol kóligindegi apattardy, apattar men oqıǵalardy, onyń ishinde jolaýshylar poıyzynda vagondardyń shyǵyp ketýine ákep soqqan tergeýdiń jedeldigin qamtamasyz etý qarastyrylǵan.
«Bul sharalardy iske asyrý respýblıkalyq bıýdjet esebinen qosymsha qarjy shyǵynyn talap etpeıdi, sondaı-aq teris áleýmettik-ekonomıkalyq, quqyqtyq jáne ekologııalyq saldary bolmaıdy», delingen Indýstrııa jáne ınfraqurylymdyq damý mınıstrliginiń málimetinde.