Nur-Sultanda ótip jatqan Qazaqstan halqy Assambleıasynyń XXIX sessııasynda Elbasy Nursultan Nazarbaev qazaq halqynyń memleket qalyptastyrýdaǵy róline baǵa berdi, dep habarlaıdy Egemen.kz.
«Qazaqstan halqy Assambleıasynyń búgingi sessııasynyń mańyzy erekshe. Bıyl Qazaqstan respýblıkasynyń táýelsizdiginiń 30 jyldyǵyn atap ótetin jyl. 1991 jyly elimiz halqy úshin jańa dáýirdiń basy boldy. Ol bostandyq, ata-babamyzdyń tarıhı mekeninde erkin ómir súrý, jańa memleket qurý. Onyń taǵdyry úshin jaýapkershilik alý ýaqyty boldy. Onyń bári ózimiz basymyzdan keshirip, kózimizben kórdik. Endi, bıyl osy 30 jyldyqty atap ótemiz.
30 jyl buryn kópultty, kópkonfessııaly halqymyz elimizde birlikte, beıbitshilik pen kelisimde alǵa qadam basý jóninde taǵy bir mańyzdy sheshim qabyldady», dedi N.Nazarbaev.
Elbasy óz sózinde ulttyq damýdyń biz tańdaǵan strategııanyń durys ári tıimdi bolǵanyn jetkizdi. Osylaısha, memlekettiń irgetasyn qalaýǵa óte qolaıly jaǵdaı jasalyp, zamanaýı Qazaqstannyń kelbetin qalyptastyrýǵa mol resýrspen qamtamasyz etildi.
«Munda basty kamerton – «Biz, ortaq tarıhı taǵdyr biriktirgen Qazaqstan halqy» dep Ata zańymyzdyń preambýlasy ekeni sózsiz. Bul sóılemniń maǵynasy óte mańyzdy. О́ıtkeni Konstıtýsııany jazý barysynda buǵan men erekshe mán berdim.
Negizgi zańymyz ultyna, senimi men tiline qaramastan búkil otandasymyzdyń múddesine saı keledi. Ata zańymyzdyń 11 baby memleketimizdiń birligin, beıbitishilik men kelisimin bekitedi, qorǵaıdy, nyǵaıtady. Elimizde tiline, ultyna, dinine qarap dıskrımınasııa jasaýǵa tyıym salynǵan.
Osy oraıda, qazaq halqy kópultty qoǵamnyń shoǵyrlanýda ıntegrasııalyq prosestiń arqaýyna aınaldy. Mundaı jaǵdaı búkil álemde bar. Máselen, Amerıkada myńdaǵan halyq bar. Biraq olardyń bárin aǵylshyn tili biriktiredi», dedi Elbasy.
Sessııa jumysyna Memleket basshysy Qasym-Jomart Toqaev qatysyp otyr.
Aıta keteıik, sessııa jumysyna onlaın formatta 600-den astam adam qatysady dep josparlanǵan. Olardyń qatarynda barlyq óńirlerden kelgen Assambleıa músheleri, respýblıkalyq jáne óńirlik etnomádenı birlestikterdiń tóraǵalary, Parlament depýtattary, ortalyq atqarýshy organdardyń, saıası partııalardyń, dinı birlestikterdiń basshylary, ÚEU, ǵylymı, shyǵarmashylyq zııaly qaýym jáne BAQ ókilderi bar.