Túrkııa–Qazaqstan Dostyq Toby depýtattary Qazaqstannyń 30 jyldyqtaǵy jetistikterine qol jetkizgen Tuńǵysh Prezıdent-Elbasy Nursultan Nazarbaevty quttyqtady.
Asa Mártebeli Qazaqstan Respýblıkasynyń Tuńǵysh Prezıdenti,
Túrki áleminiń Aqsaqaly jáne danyshpan kóshbasshysy,
Asa Qurmetti Nursultan Nazarbaev!
Bıyl Qazaqstan Táýelsizdiginiń 30 jyldyq mereıtoıyn atap ótýde. Osy ýaqyt ishinde Siz basqarǵan Qazaqstan ishki turaqtylyǵyn ornata otyryp, memlekettik qurylysyn aıaqtap qana qoımaı, sonymen birge qoǵamnyń barlyq salalarynda, ásirese ekonomıkada serpilis jasady. Sizdiń atyńyzben atalatyn jańa astana Uly dalanyń kindiginde boı kóterdi. Siz negizin qalaǵan Qazaqstan halyq assambleıasy el turaqtylyǵynyń kepildigine aınaldy.
Buǵan qosa, Qazaqstan halyqaralyq qoǵamdastyqtyń bedeldi múshesine aınaldy. Qazirgi kezeńde Qazaqstan – ıadrolyq qarýsyzdanýdan terrorızmge qarsy kúres, aımaqtyq ıntegrasııadan kólik dálizderine deıingi kóptegen salalarda jaýapkershilikti óz moınyna alatyn sırek elderdiń biri. Azııadaǵy ózara yqpaldastyq jáne senim sharalary keńesi halyqaralyq uıym bolý jolynda jyljýda.
Túrki álemi aıasynda Siz júrgizgen turaqty jáne dáıekti saıasattyń arqasynda túrki memleketteriniń yntymaqtastyǵy búginde halyqaralyq uıym deńgeıinde ınstıtýttandyryldy. Atap aıtqanda, Túrki memleketter uıymy, Halyqaralyq Túrki akademııasy, Túrkpa – Sizdiń tikeleı bastamańyzben qurylǵan qurylymdar. Qazaqstan Sırııa máselesin sheshýge arnalǵan «Astana prosesin» ótkizý arqyly Taıaý Shyǵys aımaǵyndaǵy beıbitshilikke de úles qosýda.
Osy ýaqyt ishinde Túrkııa-Qazaqstan qatynastary da qarqyndy damyp, baýyrlastyq baılanystarǵa negizdelgen eki el yntymaqtastyǵy strategııalyq áriptestik deńgeıine kóterildi. Bizdiń elderimiz bilim berýden bastap ǵylymǵa deıin, ekonomıkadan ónerkásipke deıin kóptegen salalarda yntymaqtasady. Ásirese, bizdiń parlamentaralyq qarym-qatynasymyz óte kúshti erik-jigermen jalǵasyn tabýda. Biz Qazaqstannyń árbir bastamasyn qoldaýǵa jáne baýyrlastyq qarym-qatynasymyzdy nyǵaıtýǵa árqashan daıynbyz.
Qazaqstannyń osy 30 jyldyq jetistikteri, shyn máninde, Sizdiń jetistikterińiz bolyp tabylady. Osy oraıly sátti paıdalana otyryp, eń aldymen, Sizdi quttyqtaýǵa ruqsat etińiz. Sizge zor densaýlyq pen uzaq ómir, al baýyrlas el Qazaqstan máńgi jasaýyn shyn ynta-peıilimizben tileımiz.
Túrkııa Uly Ulttyq Májilisi
Túrkııa–Qazaqstan Dostyq Toby Depýtattary:
1. Mehmet Álı Jevherı (Tóraǵa) Shanlyýrfa provınsııasy;
2. Aıhan Erelın Aksaraı provınsııasy;
3. Irfan Kartal Van provınsııasy ;
4. Erkan Akchaı Manısa provınsııasy ;
5. Ismaıl Ýchma Ystanbul provınsııasy:
6. Fıkret Shahın Balykesir provınsııasy.