Almatydaǵy janarmaı beketinde úsh jumysshy ýlanyp qalǵan. Oqys oqıqaǵa jumysshylardyń eseptegishtiń kórsetkishterin alý úshin qudyqqa túsýi sebep bolǵan, dep jazady Egemen.kz.
Zardap shekkender Almatydaǵy kópsalaly klınıkalyq aýrýhanaǵa jetkizilipti. Dárigerlerdiń aıtýynsha, qazir úsh qyzmetker de esin jıǵan. Dese de, áli jansaqtaý bóliminen shyǵarylmapty.
«Dárgerler zardap shekkenderdiń jaǵdaıy aýyr ekenin aıtyp otyr. Reanımasııa bólimine es-tússiz kúıdegi úsh adam jetkizildi. Olar janarmaı beketinde metanmen ýlanǵan. Qazirgi ýaqytta úsh naýqas ta esin jıdy», dep habarlady Almaty oblystyq densaýlyq saqtaý basqarmasynyń resmı ókili.