Otan qorǵaýshy kúni qarsańynda qazaqstandyq er-azamattarǵa qandaı syılyqtar satyp alynady?
AliExpress-tiń marketpleıs statıstıkasyna súıensek, qazaqstandyqtar úshin eń tanymal syılyqtar kıim túrleri bolmaq. Aıtalyq, naýryz aıynyń basynan sáýir aıynyń ortasyna deıin sport jáne kejýal taýarlardyń satylymy – 2,8, kepka, beısbolka jáne ózge de bas kıim túrleriniń satylymy – 2,5, sharftar men qolǵaptardyń satylymy – 2,2, hýdı, svıtshot pen fýtbolkalar satylymy 2 esege ósken.
Alystan basqarylatyn oıynshyqtar men gadjetter de qazaqstandyqtar arasynda eń tartymdy syılyq túrine aınalǵan. Oǵan suranys ótken jylmen salystyrǵanda 2,5 esege ósken. Bul sanatta eń tanymal taýarlarǵa baǵasy 30 myń men 400 myń teńge aralyǵynda bolatyn drondardy jatqyzýǵa bolady. Platformada joǵary suranysqa balyq aýlaýǵa arnalǵan taýarlar da ıe boldy. Onyń ishinde alystan basqarylatyn jemge arnalǵan qaıyq, balyq tazalaıtyn elektrli pyshaqtar, spınıngter men qarmaqqa bekitiletin temirshelerge suranys ótken jylmen salystyrǵanda 1,5 esege ósken.
Otan qorǵaýshylar kúnine arnalǵan dástúrli syılyqtar da nazardan tys qalmady: platformadan baǵasy 1 myń men 15 myń teńge aralyǵyndaǵy ámııan, beldikter, jeńilgekter, kúnnen qorǵaıtyn kózildirikter jáne ózge de áshekeıler, qyrynýǵa arnalǵan quraldar jáne baǵasy 2 500-den 25 myń teńgege deıingi jeke gıgıenaǵa arnalǵan quraldar satyp alynǵan. Al meıram qarsańyndaǵy eń qymbatqa satyp alynǵan taýar – baǵasy 860 myń teńge turatyn barbekıý pisirýge arnalǵan ınfraqyzyldy gaz janarǵylar jınaǵy. Meıram aldyndaǵy eń qymbat taýarlar qataryna baǵasy 415 myń teńge bolatyn antıgravıtasııalyq áseri bar massaj oryndyǵy da kirdi.