Elimizde aldaǵy kúnderi kún sýytyp, jańbyr jaýady. «Qazgıdromet» sınoptıkteri 29 sáýir men 1 mamyr aralyǵyndaǵy aýa raıy boljamyn usyndy, dep habarlaıdy Egemen.kz
Elimizdiń basym bóliginde atmosferalyq frontaldy bólikterdiń ótýimen aýa-raıynyń turaqsyz sıpaty saqtalady. Respýblıkamyzdyń keı jerlerinde jańbyr jaýyp, naızaǵaı oınasa, batys óńirlerde jaýyn-shashynsyz, kerisinshe aýa temperatýrasy kóteriledi.
Eldiń ortalyǵynda, shyǵysynda jáne ońtústik-shyǵysynda qatty jańbyrdyń sońy burshaqqa ulasyp, naızaǵaı oınaýy múmkin.
Túrkistan oblysynda tańerteń jáne kúndiz keı jerlerde shańdy daýyl, jel ekpini 15-20, keı jerlerde 25m\s kúsheıedi.
Soltústik Qazaqstan oblysynda túnde jáne tańerteń tuman kútiledi, jel ekpini 23m\s bolady.
Qyzylorda, Qostanaı, Qaraǵandy, Shyǵys Qazaqstan jáne Almaty men Jambyl oblystarynyń keı jerlerinde jel kúsheıip, burshaq aralas jańbyr jaýýy múmkin.
Pavlodar oblysynda túnde tuman bolady.
Nur-Sultanda kóshpeli bult shyǵady, jaýyn-shashynsyz.
Almatyda da kún ala bultty, jańbyr jaýyp, kún kúrkireıdi.
Shymkentte kóshpeli bult shyǵady, kúndiz ótkinshi jańbyr jaýyp, naızaǵaı oınaýy múmkin. Soltústik-batystan soǵatyn jel ekpini 15-20 m\s.