Almaty qalasynyń bas memlekettik Sanıtarııalyq dárigeri J.Bekshınniń qaýlysyna sáıkes búgin qala meshitterinde namaz syrtta oqylyp jatyr, dep habarlaıdy Egemen.kz
Jandarbek Bekshınniń 23 sáýirdegi №16 Qaýlysynda Dinı nysandardyń jumysyna qatysty: «Jeke jáne ujymdyq qudaıǵa qulshylyq etýge (Juma namazdary, jeksenbi qyzmetteri) tek dinı obektiler aýmaǵynda (ashyq aýada) toltyrylýy 50%-dan jáne uzaqtyǵy 60 mınýttan artyq emes, áleýmettik qashyqtyqty 1,5 metrden kem emes jáne maskalyq rejımdi qatań saqtaı otyryp, tıisti belgilerdi ornatqanda ǵana ruqsat etiledi», dep kórsetildi.
Almaty qalasy meshitteriniń aýlasynda juma namazyn ótýge qoıylatyn talaptar:
Juma namazyn meshit aýmaǵynda (ashyq aýada) oqý; Jamaǵattyń meshit aýlasynda namaz oqýyna jaǵdaı jasaý, antıseptıkter, maskalar qoıý; Meshitke mindetti túrde, betperde taǵyp kelý; Dáretti barynsha úıden alyp kelý; Namaz oqıtyn jaınamazdaryn úıden alyp kelý; Meshit aýmaǵynda belgili araqashyqtyqty saqtaý, bir-birimen qol alyspaý; Namaz oqyǵanda araqashyqtyq 1,5 metrden jaqyn bolmaý, namazdy arnaıy belgilengen orynda oqý; Meshit aýmaǵynda uzaq ýaqyt qalmaý; Dene qyzýy 37°-dan joǵary, sondaı-aq tumaý jáne basqa da aýrý belgileri bar adamdardyń meshitke kelmeýi; Jasy 65-ten asqan qarııalardyń, balalar men áıel kisilerdiń meshitke kelmegeni durys. Kúndelikti meshit ishine jáne aýlasyna zalalsyzdandyrý jumystaryn júrgizý.