Oral qalasynyń Ortalyq mádenı demalys saıabaǵyndaǵy balalarǵa arnalǵan attraksıondardyń birinde oqys jaǵdaı bolyp, 8 bala túrli dárejede jaraqat aldy. Olardyń bári oblystyq balalar aýrýhanasyna jetkizildi, dep habarlaıdy Egemen.kz
Oqys oqıǵa 2 mamyr, jeksenbi kúni keshki saǵat 19:36-da bolǵan. Kýágerlerdiń aıtýynsha, balalardy otyrǵyzyp, shyr kóbelek aınaldyryp jatqan attraksıondardyń biri kútpegen jerden kilt toqtap qalyp, átkenshekter bir-birimen soǵylysqan. Oblystyq densaýlyq saqtaý basqarmasy baspasóz qyzmetiniń habarlaýynsha, 8 bala jaraqat alǵan.
2014 jyly týǵan qyz balanyń sol jaq tizesi jyrylǵan; 2016 jyly týǵan er balanyń jabyq bas-mı jaraqaty, mıy shaıqalǵan; 2012 jyly týǵan er balanyń jabyq bas-mı jaraqaty, mıy shaıqalǵan; 2013 jyly týǵan er balanyń jabyq bas-mı jaraqaty, mıy shaıqalǵan;. 2011 jyly týǵan er balanyń jabyq bas-mı jaraqaty, mıy shaıqalǵan, sol jaq tizesin ysyp ketken; 2012 jyly týǵan qyz balanyń jabyq bas-mı jaraqaty, mıy shaıqalǵan, qaraqusy isip ketken; 2013 jyly týǵan qyz balanyń jabyq bas-mı jaraqaty, mıy shaıqalǵan; 2012 jyly týǵan er balanyń jabyq bas-mı jaraqaty, mıy shaıqalǵan, qaraqusy isip ketken;Oblystyq densaýlyq saqtaý basqarmasy baspasóz hatshysy Sáýle Zaǵıdýllınanyń aıtýynsha, balalardyń jaraqaty aýyr emes. Qazir polısııa bolǵan oqıǵanyń mán-jaıyn tekserip jatyr.
Batys Qazaqstan