Jaıyq-Kaspıı oblysaralyq basseındik balyq sharýashylyǵy ınspeksııasynyń basshysy Nurlybek Ǵaısınniń málimetinshe, Jaıyq ózenindegi sý deńgeıiniń kóterilýinen Atyraý qalasyna taıaý ornalasqan Besikti aýylynyń mańyndaǵy «Bezymıannoe» jaıylmaly kóline qaragóz balyǵy shyqqan, dep habarlaıdy Egemen.kz
Kólde sý deńgeıi tómen bolǵan. Sol sebepten, balyq jaǵaǵa shyǵyp, óle bastaǵan. Al, balyqty jınap alýǵa kóptegen jergilikti turǵyndar kelgen.
«Osyǵan baılanysty quramyna bizdiń ınspeksııanyń, «Balyq sharýashylyǵy ǵylymı-óndiristik ortalyǵy» JShS Atyraý fılıalynyń, oblystyq balyq sharýashylyǵy basqarmasynyń, sondaı-aq, ekologııa departamentiniń ókilderi kirgen arnaıy komıssııa quryldy. Keshe, 2 mamyrda jınalǵan 470 keli óli balyq joıyldy. Al, 3 tonnadan astam tiri balyq qutqarylyp, Jaıyq ózenine jiberildi», dedi Nurlybek Gaısın.
Balyqty qutqarý jumysyna 10 ınspektor, jergilikti turǵyndardan 40-qa jýyq adam, ákimshilik 3, ınspeksııadan 4 tehnıka tartylǵan.