Qostanaıda dárigerdi soqqyǵa jyqqan er adamǵa qatysty sotqa deıingi tergeý bastaldy, dep habarlaıdy Egemen.kz
Oblystyq polısııa departamentiniń málimetinshe, 3 mamyrda túngi ýaqyt 23:50-de qalalyq aýrýhananyń jaraqat bólimine bileginen ashyq jaraqat alǵan 26 jastaǵy Qostanaı turǵyny kelip túsken. Tekseris barysynda álgi azamat kúsh kórsetip, dárigerdi soqqyǵa jyǵyp, dene jaraqatyn salǵan. Buzaqy polısııa jetkenshe boı tasalap úlgergen.
«Qazir polısııa atalmysh turǵynnyń adam densaýlyǵyna qasaqana zııan keltirgeni úshin QR QK 107-baby boıynsha sotqa deıingi tergeý amaldaryn júrgizip jatyr. Kúdiktini ustaý týraly sheshim qabyldandy», dep habarlady oblystyq PD-niń baspasóz qyzmeti.
Qostanaı oblysy