Ispanııanyń astanasy – Madrıdte júlde qory 2 614 465 evrony quraıtyn tennısshilerdiń halyqaralyq týrnıri jalǵasýda.
Buǵan deıin biz áıelder saıysynda synǵa túsken Iаroslava Shvedova men Iýlııa Pýtınsevanyń tusaýkeser kezdesýlerinde súrinip, Elena Rybakınanyń ekinshi kezeńde jeńilgeni jaıynda jazǵanbyz.
Pırneı túbegindegi sońǵy úmitimiz Aleksandr Býblık edi. Alǵashqy aınalymda majarstandyq Marton Fýchovıchti utqan ol odan keıin Denıs Shapovalovpen kúsh synasty. Izraılde týyp-ósken 22 jastaǵy aıtýly tennısshi bul kúnderi Kanadanyń týy astynda óner kórsetýde. Qazirgi kezde ol ATR tiziminde 13 oryndy ıelenýde. Sol sańlaqqa qarsy óte saýatty oınaǵan jerlesimiz 6:4, 5:7, 6:4 esebimen jeńiske jetti.
Úshinshi aınalymda Aleksandr Býblık argentınalyq Dıego Shvarsman men reseılik Aslan Karsev arasyndaǵy kezdesýdiń jeńimpazymen kúsh synasady