Almaty oblysynda «azamattyq alyp beremin» dep óz tanysyn aldaǵan alaıaq ustaldy, dep habarlaıdy Egemen.kz Polisia.kz-ke silteme jasap.
Eńbekshiqazaq aýdanynyń tártip saqshylary kezekti alaıaqtyq deregin ashty. Kóktóbe aýylynyń 24 jastaǵy turǵyny Eńbekshiqazaq APB kezekshi bólimine 2020 jyldyń maýsym-tamyz aılarynyń aralyǵynda óziniń tanysyna Qazaqstan Respýblıkasynyń azamattyǵyn jasatyp beremin dep senimine kirip, alaıaqtyq jolmen 200 myń teńgesin ıemdengeni týraly aryzdanǵan.
Jedel-izdestirý sharalary barysynda kúdikti 24 jastaǵy Esik qalasynyń turǵyny anyqtalyp, ustaldy. Jaýap alý barysynda ol óz kinásin tolyǵymen moıyndady. Atalǵan derek negizinde QR QK-niń 190-babynyń 1-bóligi (Alaıaqtyq) boıynsha sotqa deıingi tergeý amaldary júrgizilip jatyr.