Búgin – halyqaralyq kıik kúni. Kıikterdiń dúnıejúzilik taralymynyń 90%-dan astamy Qazaqstanda mekendeıdi. Olardyń - Betpaqdala, Oral jáne Ústirt sekildi úsh popýlıasııasy bar, dep jazady Egemen.kz Ekologııa mınıstrligine silteme jasap.
Kıiktiń qazirgi zamanǵy jaıylym aımaǵy elimizdegi on ákimshilik oblystyń aýmaǵyn qamtyp, tipti О́zbekstan men Reseı Federasııasynyń kórshiles oblystaryna da taralady.Qazirgi tańda janýarlardyń sırek kezdesetin jáne joıylyp bara jatqan túrleri men kıikterdi qorǵaý, ósimin molaıtý jáne paıdalaný salasyndaǵy is-sharalardy oryndaýdy Orman sharýashylyǵy jáne janýarlar dúnıesi komıtetiniń «Ohotzooprom «О́B» RMQK júzege asyratynyn atap ótken jón.Aıta keteıik, elimizdegi kıikterdiń sany ár jyldary ózgerip otyrdy. Máselen, HH ǵasyrda kıikterdiń eń kóp sany 1970-shi jyldary - 510 myńnan 1 mln.200 myń daraqqa deıin, eń az sany – 1990-shy jyldary – 148-den 976 myń daraqqa deıin tirkeldi. Sodan keıin 10 jyl boıy, negizinen brakonerliktiń nátıjesinde turaqty tómendeý baıqaldy. HHI ǵasyrdyń basynda olardyń sany edáýir tómendep, 2003 jyly 21,1 myńǵa jetti.Qazirgi ýaqytta QR Ekologııa, geologııa jáne tabıǵı resýrstar mınıstrligi, Ohotzooprom, Zoologııa ınstıtýty qabyldaǵan qorǵaý sharalarynyń arqasynda kıikterdiń sany qalpyna kele bastady. 2019 jylǵy málimetter boıynsha turǵyndarynyń sany 334 400 adamdy quraıdy. 2020 jyly pandemııaǵa baılanysty esep júrgizilgen joq. Qazir esep qaıta jandandy jáne nátıjeleri aǵymdaǵy jyldyń sońynda belgili bolady.Kıikterdi qorǵaý úshin Komıtet, QR Ishki ister mınıstrligi jáne Ulttyq qaýipsizdik komıteti jyl saıyn brakonerlikpen kúres boıynsha "kıik" tabıǵatty qorǵaý aksııasyn ótkizedi. Sondaı-aq, Qazaqstanda kıikterdi, olardyń bólikteri men derıvattaryn ǵylymı maqsattarda paıdalanýdan basqa, paıdalanýǵa tyıym salý 2023 jylǵa deıin uzartyldy. Esterińizge sala keteıik, Qazaqstan Prezıdenti Qasym-Jomart Toqaev kıikterdi atqany úshin jazany qatańdatý qajettigin aıtty. Elimizde brakonerlik úshin qylmystyq zańnama kúsheıtildi. Máselen, Qylmystyq kodekstiń 339-baby kıikti, onyń bólikterin nemese derıvattaryn, onyń ishinde kıik múıizderin zańsyz oljalaǵany, ıemdengeni, saqtaǵany, ótkizgeni, ákelgeni, áketkeni, jibergeni, tasymaldaǵany nemese joıǵany úshin múlki tárkilenip, 3 jyldan 5 jylǵa deıin bas bostandyǵyn shekteýdi ne odan aıyrýdy kózdeıtin jańa bólikpen tolyqtyryldy.