Batys Qazaqstanda blok-beketter ornatyldy

Indet bastalǵaly beri oblysta koronavırýs ınfeksııasy 19 809 ret tirkelgen. Al 2021 jyly qańtar aıynda – 1 837, aqpan aıynda – 1 950, naý­ryz aıynda – 2 138, sáýir aıynda 3 884 jaǵdaı esepke alynǵan eken. Kórip otyrǵanymyzdaı, vırýs juq­tyrǵandar sany aıdan aıǵa kóbeıip, sáýir aıynda tipti órship ketken.

– Mamyr aıynyń 5-i kúngi málimet boıynsha oblysta barlyǵy 19 809 adam vırýs juqtyrǵan, onyń 11 372-si – sımptomdy, al 8 437 adamda naý­qas belgileri joq, sımptomsyz. Búginde 15 506 adam jazylyp shyqty, ókinishke qaraı, 289 adam qaıtys boldy, – deıdi oblystyq densaýlyq saqtaý basqarmasy basshysynyń mindetin atqarýshy Arman Qalıbekov.

Sońǵy táýlikte koronavırýs juq­tyr­ǵan 129 adam tirkelse, sońǵy ap­ta­daǵy naýqastar sany 932 adam bolyp tur.

О́kpeni jasandy jeldetý apparatyna 19 adam qosylyp, 23 naýqas ot­tegi konsentratynyń kómegine jú­­gin­gen. О́ńirdegi 18 ınfeksııalyq stasıonarda 570 adam em alyp jatyr eken. Bul – barlyq kereýet sanynyń 50,8%-y. Al jansaqtaý meke­melerindegi 65 orynda 40 adamǵa medısınalyq járdem kórsetilip jatyr. Jalpy, koronavırýsqa qarsy emdeý oryndarynda 1 444 kereýet bos oryn bar.

– 1-28 sáýir aralyǵynda 2 144 adam tumaý belgilerimen dárigerge qaralyp, olardan koronavırýs anyqtaldy. Bul naýqastarmen jaqyn qarym-qatynasta bolǵan adamdardy tekserý kezinde taǵy 1 098 adamnyń vırýs juqtyrǵany belgili boldy, – deıdi Batys Qazaqstan oblystyq sanıtarlyq-epıdemıologııalyq baqylaý depar­tamenti basshysynyń orynbasary Nurlybek Mustaev.

26 sáýir kúngi nátıjeler bo­ıynsha Bórli, Báıterek, Qaztalov, Terekti, Jańaqala, Shyńǵyrlaý aýdandary jáne Oral qalasy eń qaýipti «qyzyl aımaqta» qalyp otyr.

Vırýs juqtyrǵandardyń eń kóbi, ıaǵnı 35,2%-y – jumys isteıtin adamdar. Biraq basqa top ta az emes. Sońǵy bir aı ishinde 975 zeınetker, 908 jumyssyz azamat, 293 oqýshy, 75 medısına qyzmetkeri, 89 muǵalim, balabaqshaǵa barmaıtyn 69 bala, balabaqshaǵa baratyn 28 bala, 18 tárbıeshi, 53 stýdent aýyrǵan.

Oqý jyly bastalǵaly oqý­shylar men mektepke deıingi sábı­ler arasynda 1 014 márte COVID-19 oqıǵa­sy anyq­talǵan eken. Máselen, qyr­kúıek aıynda 4 oqıǵa, qazanda 5 oqıǵa, qarasha aıynda 102 oqıǵa, jeltoq­sanda 78 oqıǵa bolsa, 2021 jyly vı­rýs juqtyrǵandar sany 809-ǵa jetken.

О́ńirdegi iri kásiporyndardaǵy jaǵ­daı da qatań baqylanyp otyr. Máselen, «Jaıyq Munaı» kompanııa­synda jyl basynan beri 38 naýqas anyqtalǵan, munyń 11-i vahtaǵa kelgen jumysshylardan tabylsa, 27-si jumystan tys kezde óz betimen dári­gerge qaralyp, anyqtalǵan jaǵdaı eken. Al tikeleı kenish basynda, qyz­met kezinde aýyryp qalǵan oqıǵa tirkel­megen.

«Qarashyǵanaq Petroleým Opereıtıng»­ kompanııasynda jyl basy­nan beri 116 naýqas tirkelgen. Onyń ishinde 45 adam vahtalyq kezegi bitip, úıine qaıtarda tek­serilgen kez­de koronavırýs juq­tyrǵany anyq­talǵan.

О́ńirde sanıtarlyq-dezınfek­sııa­lyq rejim talaptaryn bu­zý fakti­lerin qadaǵalaıtyn monı­torıngtik top­tar 1 sáýirden beri 634 márte reıd júrgizip, 3 422 nysan­dy teksergen eken. Nátıjesinde, 34 nysanda talap buzýshylyqtar anyq­tal­ǵan. Olarǵa 130 hattama toltyrylyp, 8 284 280 teńgege aıyppul salyndy.

Oblysta koronavırýsqa qarsy ekpe júrgizý isi 1 sáýirde bastalǵan. Arman Qalıbekovtiń aıtýynsha, osy ýaqytqa deıin oblysqa vaksınanyń 62 700 dozasy kelip túsken. Qazirdiń ózinde 49 287 adam ekpeniń alǵashqy dozasyn, 17 891 adam ekinshi dozasyn alyp úlgergen.

О́tken sársenbiden bastap Oral qalasynda mobıldi ekpe beketteri turǵyndardy jappaı vaksınalaý isine kirisken. Iаǵnı jyljyma­ly me­dı­sınalyq keshender oblys orta­lyǵynyń iri-iri saýda or­talyq­tary janynda turyp, kez kelgen adamǵa óz qalaýy boıynsha ekpe salady. Ol úshin kelýshiniń jeke kýáligi bolsa jetkilikti. Ek­pe alǵan adam 30 mınýt dáriger baqylaýynda bolady. Ol otan­dyq nemese reseılik vaksına ala­tynyn ózi tańdaıdy.

Joǵaryda aıtqanymyzdaı, 1 ma­myr­dan bastap Oral qalasy, son­daı-aq Aqjaıyq, Báıterek, Bórli, Qaz­talov, Terekti jáne Shyń­ǵyrlaý aýdan­daryna kireberiske, barlyǵy 7 orynǵa blokbeket ornatyldy. Bul beketterden halyqtyń tynys-tirshi­ligin qamtamasyz ete­tin uıym-meke­me qyzmetkerleri, me­dısınalyq uıym­darda em alýshylar, júk tasymaldaýshylar jáne tranzıttik jolaýshy­lar, vahta jumysshylary jáne olar­dy tasymaldaıtyn kólikter keder­gisiz óte alady. Sondaı-aq kók­temgi dala jumystarymen shuǵyl­danýshylar da bul sanatqa kiredi. Batys Qazaqstan oblystyq bas mem­lekettik sanıtar dárigeriniń orynbasary Nurlybek Mustaevtyń aıtýyn­sha, aýrý kórsetkishi tó­mendep, jaǵ­daı túzeler bolsa, bir apta ishinde beket­terdi alyp tastaý máselesi qaıta qaralady eken.

Batys Qazaqstan oblysy