Tuńǵysh Prezıdent Nursultan Nazarbaevtyń 1992 jyly 7 mamyrda qol qoıǵan QR Qarýly Kúshterin qurý týraly jarlyǵynyń qujaty jarııalandy, dep habarlaıdy Egemen.kz.
«Bizde kadrlar bolǵan joq, tájirıbe de bolǵan joq. Egemendi Qazaqstannyń armııasy qandaı bolýy kerek degen túsinik te bolǵan joq. ⠀ Osy jaǵdaıda respýblıka aýmaǵynda ornalasqan barlyq bólimderdi, Orta Azııa, Túrkistan áskerı okrýgterinen jáne Aýǵanstandaǵy soǵystan shyqqan 40-shy armııadan qalǵan bólimderdi Qazaqstan Qarýly Kúshteriniń bólimderi dep jarııalaý týraly sheshim qabyldandy. ⠀ Mundaı Jarlyqqa men 1992 jyly 7 mamyrda qol qoıdym», degen edi Elbasy 2007 jyly 7 mamyrda QR Qarýly Kúshteriniń 15 jyldyǵyna arnalǵan saltanatty jıynda sóılegen sózinde.