Nur-Sultan qalasy ákimdiginiń qoldaýymen 7-9 mamyr kúnderi grek-rım kúresinen qazaqtan shyqqan tuńǵysh Olımpıada chempıony, Eńbek eri Jaqsylyq Úshkempirovti eske alýǵa arnalǵan halyqarlyq týrnır ótedi, dep habarlaıdy Egemen.kz.
Nur-Sultan qalalyq dene shynyqtyrý jáne sport basqarmasynyń málimetinshe, 2001-2003 jyly týǵan jasóspirimder arasynda ótetin týrnırde balýandar 55, 60, 63, 67, 72, 77, 82, 97, 130 keli salmaq dárejelerinde baq synaıdy.
Baıraqty básekege Qazaqstan, Reseı, Grýzııa, Ýkraına, Tájikstan, Qyrǵyzstan jáne О́zbekstan elderinen 250-den asa sportshy qatysady. Jarys jeńimpazdary men júldegerleri dıplom, medaldarmen marapattalady. «Eldegi karantın talaptaryna sáıkes halyqaralyq týrnır jankúıersiz ótedi. Kórermender jarysty Qazsport arnasynan tikeleı efırde tamashalaı alady. Jarystyń saltanatty ashylý rásimi 7 mamyr kúni saǵat 16:00-de bolady», dedi ákimdik ókilderi.