Jambyl oblysynda keneden zardap shekkender kóbeıýde, dep habarlaıdy Egemen.kz.
Jambyl oblysynda 48 eldi-meken Kongo-Qyrym gemorragııalyq qyzbasynyń tabıǵı oshaǵy bolyp esepteledi. Jyl basynan beri óńirde 34 adamdy kene shaǵyp, olar medısınalyq kómekke júgingen. Onyń 15-i balalar eken. Alaıda, bul ótken jyldyń osy kezeńimen salystyrǵanda2 esege az bolǵanymen, oblystyq densaýlyq saqtaý basqarmasynyń mamandary árbir turǵynnyń jeke bas saqtyq sharalaryn esinen shyǵarmaýy tıis ekenin eskertýde.
Kene shaǵý boıynsha bıyl Taraz qalasynyń aýmaǵynda11, Baızaq aýdanynda 10, Jambyl, Qordaı, Merki, T.Rysqulov jáne Shý aýdandarynda eki jaǵdaıdan, Moıynqum jáne Sarysý aýdandarynda bir jaǵdaıdan anyqtalyp otyr. Densaýlyq saqtaý basqarmasy taratqan habarlamada ýly jándikten zardap shekkenderdiń barlyǵy 14 kúnmedısınalyq baqylaýda bolýy tıis ekeni, búginde 17 adamnyń atalǵan merzimniń ótýine baılanysty baqylaýdan alynǵany aıtylǵan. «Aýrýdyń deńgeıin tómendetý, epıdemııalyq ahýaldy kúrdelendirmeý, dertti der kezinde anyqtap, qaterli jaǵdaıǵa jibermeı ustap turý sharalaryn júrgizý – tek qana medısına, veterınarııa qyzmetkerleriniń nemese jergilikti ákimshilikterdiń jumystary ǵana emes, oǵan oshaq aımaqtarynda turatyn eldi-mekenderdiń turǵyndary da atsalysýǵa tıis», delingen habarlamada. Sondaı-aq, mamandar kene shaqqan ýaqytta ony adamnyń ózi alyp tastaýyna bolmaıtynyn, árbir turǵyn turǵylyqty meken-jaıy boıynsha medısınalyq kómekke júginýi kerektigin, ol jerde keneden zardap shekken adamǵa gemorragııalyq qyzbanyń aldyn alý sharalary júrgizilip, kómek kórsetýmen qatar, ne isteý kerektigi eskertiletinin aıtýda. «Bul aýrýdyń belgileri kene shaqqannan keıin 2-7 kún ishinde bilinedi. Naýqas adamnyń dene ystyǵy kóteriledi. Basy, býyndary qatty syrqyrap aýyrady. Kózi men tamaǵy qyzarady, tamaqqa tábeti bolmaıdy», deıdi mamandar. Sondaı-aq, budan basqa da qaýipteri bar. Sonymen qatar, munyń juqpaly ekenin de esten shyǵarmaǵan jón. Kene shaqqan adamdar mindetti túrde eki apta boıy emdeý mekemesinde dıspanserlik baqylaýda bolýy kerek eken. Atalǵan talaptardyń barlyǵy derttiń qaýiptiligin tómendetedi.