Shyǵys Qazaqstan oblysynyń polısııa qyzmetkerleri alapat órtke qatysty kúdiktini ustady, dep habarlaıdy Egemen.kz.
ShQO Polısııa departamenti baspasóz qyzmetiniń málimetinshe, keshe Rıdder orman sharýashylyǵynda shyqqan tilsiz jaýmen kúresýge 300-den astam polıseı jumyldyrylǵan.
«QR Ishki ister mınıstri Erlan Turǵymbaevtyń buıryǵy boıynsha óńirdiń tártip saqshylary oqıǵa ornynda táýlik boıy kezekshilik uıymdastyryp, halyqqa kómek kórsetti. Qutqarýshylarmen birge qyzyl jalyndy aýyzdyqtaýǵa kirisip, Leshoz kentiniń turǵyndaryn evakýasııalada», delingen habarlamada.
Rıdder qalalyq Polısııa bóliminiń jeke quramy túgeldeı kúsheıtilgen jumys rejımine kóshken. Sondaı-aq órt oshaqtarynda 40-qa jýyq arnaıy tehnıka jumys isteýde.
«Qazirgi ýaqytta atalǵan órt faktisi boıynsha kúdikti ustaldy. Qazaqstan Respýblıkasy Qylmystyq kodeksiniń 204-baby 2-bóligine sáıkes tergeý amaldary júrgizilýde», delingen aqparatta.
Esterińizge sala ketsek, 10 mamyr kúni ShQO-daǵy Rıdder orman sharýashylyǵynda órt shyqty. Dala órti 310 gektar aýmaqty sharpyp, 1 adam qaza tapty. О́rtke baılanysty shuǵyl jeli iske qosyldy.
Memleket basshysy Úkimet pen Shyǵys Qazaqstan oblysynyń ákimdigine órtten zardap shekken Leshoz kentiniń turǵyndaryna kómek kórsetip, baspanamen qamtamasyz etýdi tapsyrdy.