iKOMEK ortalyǵyna jyl basynan beri 870 myńnan astam elorda turǵyny habarlasyp, túrli salada qyzmet aldy, dep habarlaıdy Egemen.kz Nur-Sultan ákimdiginiń resmı saıtyna silteme jasap.
iKOMEK – tolyqtaı sıfrlandyrylǵan jáne 1000-nan astam qalalyq qyzmetpen jumysyn birizge túsirgen servıs. iKOMEK qyzmetin jyl saıyn elordanyń 600 myńnan astam turǵyny paıdalanady. Ortalyq jumys istegeli beri alty mıllıonǵa jýyq ótinish qabyldady, al 2021 jyldyń basynan beri 870 myńnan astam ótinish atqaryldy.
«Bul bizdiń qala turǵyndarynyń ótinishi mindetti túrde jeter jerine jetetin, sondaı-aq ákimdik basqarmalary, aýdandyq ákimdikter men kommýnaldyq qyzmetter úshin de yńǵaıly servıs usynyp otyrǵanymyzdy bildiredi. Sebebi endi olar óz jumysyn turǵyndarmen ózara baılanys negizinde josparlaı alady. Sol sııaqty turǵyndar elorda damýyna belsene atsalysýda. Bul qalanyń tirshiligine beı-jeı qaramaıtyndaryn kórsetedi», deıdi iKOMEK qalalyq ortalyǵynyń basshysy Jannat Dúbirova.
iKOMEK qalalyq ortalyǵynda barlyq operator ámbebap maman retinde oqytylǵan. О́tinishterdiń eleýli úlesin operator sóılesý barysynda udaıy jańaryp otyratyn aýqymdy bilim bazasynyń arqasynda sheship otyrady. Bazada memlekettik basqarmalar men qalanyń kommýnaldyq qyzmetteriniń jumysy týraly aqparat, ıaǵnı anyqtamalyq málimet, kommýnaldyq qyzmetterdiń josparlanǵan jáne profılaktıkalyq jumystary týraly málimetter saqtalady. Bul málimetter sonymen qatar ótinish berýdiń sıfrlyq tásilderin paıdalanatyndar úshin de qoljetimdi. Bári – onlaın rejımde qoljetimdi.
Sonymen qatar iKOMEK-tiń ámbebap operatorlary ótinishterdi tirkep, onyń atqarylýyn baqylaý úshin áleýmettik jelilerge (ınstagram, feısbýk) monıtorıng júrgizedi. Osydan keıin turǵynǵa jumys nátıjesi týraly habarlanady.
Alaıda iKOMEK-tiń jumysy munymen aıaqtalmaıdy. Qazirgi ýaqytta Ortalyqqa qalanyń búkil aýmaǵynda, onyń ishinde balabaqshalarda, mektepterde, emhanalar men t.b. oryndarda ornalasqan 16 myńnan astam beınebaqylaý kamerasy ıntegrasııalanǵan. Qaýipsizdikti qamtamasyz etý maqsatynda iKOMEK ortalyǵynyń ózinde Nur-Sultan qalasy polısııa departamentiniń qyzmetkerleri otyr. Beınebaqylaý kameralary arqyly operator quqyqbuzýshylyqtardy anyqtap, kúsh qurylymdaryna qylmystardyń betin ashýǵa kómektesedi.
Sol sııaqty qar kúrelmeý, jaýyn-shashyn kezderinde sý basý, ashyq qalǵan qudyqtar, zańsyz qoqys úıý, nájisterdiń aǵýy jáne TKSh salasyndaǵy basqa da oqys oqıǵalardy anyqtaıdy.
Iаǵnı, iKOMEK ótinishtiń qashan kelip túsetinin kútpeıdi, beınebaqylaý kameralaryn paıdalanyp, aldyn ala áreket etedi. 2020 jyly iKOMEK beınebaqylaý operatorlary 17 000-nan astam ınsıdentti anyqtady. Esterińizge sala keteıik, iKOMEK109 biryńǵaı baılanys ortalyǵyna 109 qysqa nómiri (qalalyq jáne mobıldi telefondardan tegin), sondaı-aq balama quraldar arqyly júginýge bolady: - ákimdiktiń resmı saıty astana.gov.kz;- iKOMEK109 mobıldi qosymshasy (PlayMarket/AppStore);- Telegram chat-boty (t.me/nursultanikomek109_bot);- Smart Astana mobıldi qosymshasy (PlayMarket/AppStore);- elektrondyq poshta.