Elimizde jastar sany halyqtyń jalpy sanynyń 20,2% quraıdy. Qazirgi kezde 14 pen 29 jas aralyǵyndaǵy 3,7 mln jas bar. Bul týraly Ortalyq kommýnıkasııalar qyzmetinde ótken brıfıngte Jastar jáne otbasy isteri komıtetiniń tóraǵasy Shahmardan Baımanov málimdedi, dep habarlaıdy Egemen.kz.
Aımaqtarda qandaı problemalar bary belgili. Búginde ınstıtýsıonaldyq jaǵynan respýblıka boıynsha 209 jastar resýrstyq ortalyǵy ashylyp, ol jerde 3 myńnan asa qyzmetker jumys isteıdi.
Olardyń basty qyzmeti – jastarǵa qatysty máselelerdi anyqtaý, memlekettik baǵdarlamalardy jastarǵa túsindirý, jumys máselesine qatysty jármeńkeler, áleýmettik jelilerde aqparattandyrý, túrli mádenı sharalar uıymdastyrý, áleýmettik zertteýler, taldamalyq jumystar júrgizý.
«Respýblıka óńirlerinde strategııalyq sessııalar, qoǵamdyq tyńdaýlar uıymdastyryldy. Basty maqsaty – jergilikti jerlerdegi jastardyń problemalaryn, olardy sheshý úshin qajetti is-qımyldardy anyqtaý. Bıyl «Jastar saıasaty týraly» zańǵa ózgerister engizý kózdelgen, Ulttyq baıandama ázirlendi. 2020 jylǵy Jastar ǵylymı zertteý ortalyǵynyń baıandamasynda, jastardyń Top-3 negizgi problemalary kórsetilgen. Bul bilim, jumys jáne turǵyn úı máselesi», dedi Sh.Baımanov.
Onyń aıtýynsha, bul máselelerdi sheshý úshin arnaıy jobalar qolǵa alynyp, sharalar uıymdastyrylýda.