Álemdik ekonomıka jańa qaterge - demografııa máselelerine tap boldy. Keıbir elderde halyq sanynyń ósýi onjyldyqta mınımaldy deńgeıge jetti, al keıbir elderde azamattardyń sany azaıyp jatyr, dep habarlaıdy Egemen.kz Lenta.rý saıtyna silteme jasap.
Moody's reıtıngtik agenttiginiń sarapshylary halyqtyń qartaıýyna baılanysty jahandyq JIО́ tek kelesi bes jylda jyl saıyn bir paıyzǵa jýyq joǵaltatynyn atap ótti. Baıandamada Germanııa, Italııa, Ispanııa, Japonııa jáne Ońtústik Koreıada eńbekke qabiletti halyqtyń eń tez tómendeıtini atap kórsetilgen. «Ekspert RA» reıtıng agenttiginiń bas ekonomısi Anton Tabah demografııa bárinen buryn Reseı ekonomıkasynyń ósýin shekteıtinine senimdi. «Moody's eki jol bar dep sanaıdy: jekelegen sanattar arasynda jumyspen qamtylýdyń ósýi (eń aldymen áıelder), sondaı-aq jumys kúshiniń jetispeýshiligin óteıtin tehnologııalyq jáne ınnovasııalyq órleý», deıdi sarapshy.
Buǵan deıin sarapshylary keıbir elderdiń ekonomıkalyq artta qalý sebebin ataǵan. Olar álemdegi baı elderden aıyrmashylyǵy bilim, adam kapıtaly joǵary eńbek ónimdiligine aınalmaıdy dep sanaıdy. Adam kapıtaly tıimsiz jumsalady, daǵdylar men bilimder is júzinde qoldanylmaıdy, demek, adamdardyń olardy ómir boıy jetildirýge yntasy joq.