Aqparat jáne qoǵamdyq damý mınıstri Aıda Balaeva qazaqstandyqtardy Oraza aıtpen quttyqtady, dep habarlaıdy Egemen.kz.
«Musylman qaýymy úshin qasıetti merekelerdiń biri – Oraza aıt qutty bolsyn! Adamzat balasyn sabyr men keshirimge, qanaǵat pen qaıyrymǵa shaqyryp, rýhanı jańarýǵa úndeıtin qasıetti Ramazan aıy da aıaqtaldy. Osy aıda oraza ustap, amal jasaǵan barsha azamattardyń duǵa-nıetteriniń qabyl bolýyn tileımin.
Oraza aıtta – árbir musylman kómekke muqtaj jandarǵa keńinen qoldaý kórsetip, saýaby mol ıgi ister jasaıdy. О́kinishke oraı, bıylǵy Oraza aıt da karantındik shekteýler jaǵdaıynda kelip tur. Qajetti saqtyq sharalaryn saqtap, tózimdilik tanytsaq, keler jyldyń Oraza aıtyn qalypty jaǵdaıda qarsy alamyz dep úmittenemin.
О́kpe-renishti umytyp, qate-kemshilikterdi keshirýge úndeıtin Oraza aıtynda barshańyzǵa zor densaýlyq, otbasy amandyǵy men baq-bereke tileımin. Halqymyzdyń birligi nyǵaıyp, rýhanı yntymaǵy arta bersin. Aıt múbárak bolsyn!», dep jazdy mınıstr Facebook-tegi paraqshasynda.