Sınoptıkter 14 mamyrǵa arnalǵan aýa raıy boljamyn jarııalady, dep habarlaıdy Egemen.kz.
«Soltústik-batys antısıklony áserinen Qazaqstan terrıtorııasynyń basym bóliginde jaýyn-shashynsyz aýa raıy bolady. Tek respýblıkanyń soltústik, shyǵys jáne ońtústik-shyǵysynda atmosferalyq frontaldy bólikterdiń ótýimen keı jerlerde jańbyr jaýyp, naızaǵaı bolady. Respýblıkanyń keı jerlerinde jel kúsheıip, ońtústikte shańdy daýyl, soltústikte – tuman túsedi, shyǵysta burshaq jaýýy yqtımal», delingen habarlamada.
Túrkistan oblysynda shańdy daýyl soǵady, jel ekpini 15-20 m/s jetedi.
Qyzylorda oblysynda da kúndiz jel kúsheıip, shańdy daýyl soǵady.
Almaty, Jambyl, Pavlodar, Shyǵys Qazaqstan, kúndiz Qaraǵandy oblystarynda jel 15-20 m/s kúsheıedi. Shyǵys Qazaqstan oblysynyń keı jerlerinde burshaq jaýýy múmkin.
Soltústik Qazaqstan oblysynda tuman túsedi.
Qyzylorda oblysynyń jáne Almaty oblysynyń jekelegen aýdandarynda óte joǵary órt qaýpi saqtalady