Bıyl doktorantýraǵa túsý emtıhandary Ulttyq biryńǵaı testileý júrgizilgen pýnktilerde ótedi. Bul jaıynda Bilim jáne ǵylym mınıstri Ashat Aımaǵambetov Facebook-tegi paraqshasynda jazdy, dep habarlaıdy Egemen.kz.
«Bıyl doktorantýraǵa túsý emtıhandary da UBT-ǵa qoıylǵan talaptar negizinde jáne ulttyq biryńǵaı testileý júrgizilgen pýnktilerde ótedi. Bul bizge «rektorlar tizimi» degen alyp-qashpa sózdi jáne osyndaı táýekelderdi umytyp, doktorantýraǵa eń myqty jáne laıyqty úmitkerlerdiń oqýǵa túsýine tıisti jaǵdaı jasaýǵa múmkindik beredi dep oılaımyn», dep jazdy mınıstr.
Ashat Aımaǵambetovtiń aıtýynsha, doktorantýraǵa túsýge úmitkerler esseni de, basqa da tapsyrmalardy da kompıýterlermen beınekameralardyń aldynda otyryp jazady.
«О́tken jyly biz magıstratýraǵa túsýshilerdiń emtıhandaryn qanatqaqty rejımde elektrondyq formatta qabyldadyq. Oqýǵa túsken azamattar emtıhannyń rasynda ádil túrde ótkenin aıtyp jatyr. Bıyl bul jumys jalǵasyn tabady. Budan bylaı magıstratýranyń emtıhandary osy formatta ótedi», dedi ol.