Áýe apatynda jaraqat alǵan UQK qyzmetkerleriniń jaǵdaıy turaqty. Olar jansaqtaý bóliminen palataǵa aýystyryldy. Bul týraly №4 qalalyq klınıkalyq aýrýhananyń bas dárigeri Saǵı Beısenbekov málim etti, dep habarlaıdy Egemen.kz.
«Eki naýqastyń da jaǵdaıy turaqty. Olar reanımasııadan mamandandyrylǵan bólimge aýystyryldy. Palatada em alady», dedi №4 qalalyq klınıkalyq aýrýhananyń bas dárigeri Saǵı Beısenbekov.
Eske sala keteıik, 13 naýryz kúni Nur-Sultan-Almaty baǵytynda kele jatqan AN-26 áskerı ushaǵy 17.22 kezinde radardan joǵalyp, qala áýejaıy mańynda apatqa ushyraǵan edi. Ushaqta bolǵan 4 adam qaza taýyp, 2 adam túrli jaraqatpen Almaty qalasynyń №4 qalalyq klınıkalyq aýrýhanasyna jetkizilgen.