Qyzylordada kópqabatty úıde bolǵan órtte 13 adam qaýipsiz jerge shyǵarylyp, ózdiginen júre almaıtyn 1 adam qutqaryldy, dep habarlaıdy Egemen.kz «Syr boıy» basylymy taratqan aqparatqa silteme jasap.
Oqıǵa búgin, 14 mamyrda saǵat 10:58-de bolǵan. Osy sátte Qyzylorda oblystyq tótenshe jaǵdaılar departamentine habar kelip túsken.
О́rt shyqqanyn birinshi bolyp baıqaǵan kýágerlerdiń aıtýynsha, Abaı dańǵyly boıyndaǵy №48 úıdiń besinshi qabatyndaǵy páterdiń balkony otqa oranǵan.
«О́rt sóndirýshiler oqıǵa ornyna jyldam jetti. Barlaý jumystarynyń nátıjesinde oqıǵanyń mán-jaıy anyqtaldy. О́rt sóndirýshilerdiń jedel jáne birikken is-qımylynyń kómegimen joǵarǵy qabattan barlyǵy 13 adam qaýipsiz jerge shyǵaryldy. Olardyń 2-eýi bala. Sondaı-aq órtten ózdiginen júre almaıtyn bir azamatsha qutqaryldy. Saǵat 11:10-de órttiń beti qaıtty, 11:18-de tolyǵymen sóndirildi. О́rttiń shyǵý sebebi men shyǵyny anyqtalýda», dep habarlady Qyzylorda oblystyq Tótenshe jaǵdaılar departamenti О́rt sóndirý jáne avarııalyq-qutqarý jumystary qyzmetiniń baspasóz hatshysy Álııa Erejepova.