Qazaqstannyń on bir úzdik áleýmettik kásipkeri «Ozgeris Ustasy» júldesimen marapattalyp, 500 myń teńge kóleminde aqshalaı syılyqqa ıe boldy. Jeńimpazdar «Ozgeris Ustasy» áleýmettik kásipkerligin ilgeriletý men dáripteýge qosqan úlesteri atap ótilgen marapattaý saltanatyna qatysty. Bul shara da onlaın formatta ótti. Bıyl konkýrsqa Qazaqstannan barlyǵy 44 ótinim kelip tústi. Birinshi kezeńde saraptaý komıssııasy 25 fınalısti iriktep aldy. Negizgi ólshemder áleýmettik áser jáne qarjylyq turaqtylyq boldy. Al jeńimpazdar ashyq qoǵamdyq daýys berý arqyly anyqtaldy.
Áleýmettik kásipkerlik – Qazaqstanda salystyrmaly túrde jańa baǵyt, biraq búgingi kúnniń ózinde otandyq naryqta ornyqty jobalar paıda boldy. Buǵan daýys berýge qatysqan qazaqstandyqtar kóz jetkizdi.
«Fınalısterdi anyqtaý ońaıǵa tıgen joq. Sebebi árbir ótinish berýshi shyn máninde izgi is jasaýda. Bul rette belgili bir ózekti problemany sheshýge úles qosa otyryp, sonymen qatar tabys tabýǵa jáne jańa jumys oryndaryn qurýǵa múmkindik beretin qyzyqty bıznes úlgileri kóp boldy. Jeńimpazdardy tańdaý isin qoǵamǵa senip tapsyrdyq. Bul adamdarǵa fınalısterdiń erekshe jobalarymen jaqynyraq tanysýǵa múmkindik berdi. Biz júldeni ekinshi ret ótkizip otyrmyz. Qatysýshylarymyzdyń kásipqoılyǵy men Qazaqstandaǵy áleýmettik kásipkerlikke qyzyǵýshylyqtyń artyp kele jatqanyn baıqadyq», dedi Impact Hub Alamaty basshysy Indıra Shah.
Uıymdastyrýshylar qatysýshylardyń kásipqoılyǵynyń artqanyn, sondaı-aq Qazaqstandaǵy áleýmettik kásipkerlikke qyzyǵýshylyqtyń artyp kele jatqanyn atap ótti.
«Júldeniń maqsaty – Qazaqstandaǵy áleýmettik kásipkerlik ınstıtýtyna nazar aýdarý, osy salanyń kórnekti mamandarynyń eńbegin qoǵamnyń moıyndaýyna yqpal etý. Áleýmettik kásipkerler degenimiz qoǵam úshin mańyzdy máselelerdi sheshetin, sonymen qatar ózara tıimdi bıznes modelin qura alatyn adamdar. Áleýmettik problemalarǵa uqypty, qurmetpen qaraıtyn adamdar men olardyń kreatıvti sheshimderin kórsetkimiz keledi. El óziniń qaharmandaryn bilýi kerek, múmkin olardyń isteri ózgelerge úlgi bolar», dedi marapattaý rásiminde ImpactHubAlamaty baǵdarlamalyq menedjeri Farıda Navrýzbekova.
Bıyl ekologııa salasyndaǵy áleýmettik kásipkerliktiń úzdik úlgisi bolyp «nól qaldyq» konsepsııaly HelloEco ekodúkeni, Greenup kz qoǵamdyq qory; mádenıet jáne óner salasyndaǵy áleýmettik kásipkerliktiń úzdik úlgisi bolyp ULY DALA kompanııasy men «Transforma» mádenı keńistigi atandy. Sondaı-aq osal toptarǵa qoldaý kórsetý salasyndaǵy áleýmettik kásipkerliktiń úzdik úlgisi bolyp «Lých Sveta» aýtızm jáne basqa da damý erekshelikteri bar balalarǵa kómek berý qory» qoǵamdyq qory, Rozalııa ı Emır jekemenshik qory aýtızm jáne sóıleý korreksııasy korreksııalyq ortalyǵy, Gúlmıra Ýálıhan Quraq dástúrli qolóner stýdııasy, «Doshkolnaıa organızasııa Strana chýdes» JShS, «Rýdnenskoe gorodskoe dobrovolnoe obshestvo ınvalıdov» qoǵamdyq birlestigi tanylsa, aýmaqtardy damytý salasyndaǵy áleýmettik kásipkerliktiń úzdik úlgisi «Qareket jaqsylyq jasa» qoǵamdyq qory boldy. Áleýmettik kásipkerler arasynda COVID-19 pandemııasynyń syn-qaterlerin sheshýge arnalǵan ınnovasııanyń eń jaqsy úlgisi bolyp «Iskerlikke demeý» qoǵamdyq qory tanyldy.
OzgerisUstasy júldesi 2019 jyly quryldy jáne ImpactHubAlmaty men Aqparat jáne qoǵamdyq damý mınıstrligi men «Shevron» korporasııasynyń seriktestiginde ótkiziledi.
«Bizdiń kompanııa júldeni uıymdastyrýǵa qýana qatysty. О́ıtkeni áleýmettik belsendi azamattyq qoǵam óńirde qolaıly bıznes ortany qurýǵa kómektesedi. Biz Qazaqstannyń áleýmettik kásipkerlerin qoldaýǵa ázirmiz jáne olardyń kásiporyndarynyń tabysty damýyna úmit artamyz», dedi júldeni uıymdastyrýshylardyń biri, Qazaqstandaǵy «Shevron» korporasııasynyń áleýmettik ınvestısııalar boıynsha sýpervaızeri Leıla Aıtmýhanova.
«Biz bes jyldaı áleýmettik kásipkerlikti damytýmen aınalysamyz jáne COVID-19 pandemııasy kezinde qoǵam men bıznestiń oǵan qalaı shydap, qalaı sezingenderin, keıde shyn máninde ınnovasııalyq amaldardyń qoldanylǵanyn óz kózimizben kórdik. Bul búkil bıznes úshin, áleýmettik kásipkerler úshin de qıyn kezeń. Biri beıimdele aldy, biri bıznes modelin tipten buryp jańa baǵyttar ashty. Bul bizdi «Áleýmettik kásipkerler arasynda Sovid-19 pandemııasynyń syn-qaterlerin sheshýge baǵyttalǵan ınnovasııanyń úzdik úlgisi» atty nomınasııany uıymdastyrýǵa túrtki boldy», dedi Qazaqstandaǵy Eýrazııa Ortalyq Azııa qorynyń baǵdarlamalar dırektory Aıgúl Tagatova.
Mádenıet jáne óner salasyndaǵy áleýmettik kásipkerliktiń úzdik úlgisi nomınasııasynyń jeńimpazy, «Transforma» mádenı keńistiginiń dırektory Anna Sývorova atalǵan baıqaýdyń óz jobalaryn nasıhattaýǵa taptyrmas alań bolǵany úshin de rıza ekenin jetkizdi.