Jańarýdy basty ustanym etken Aqtaý qalasy el Táýelsizdiginiń 30 jyldyǵy qarsańynda taǵy bir jańa nysanmen tolyqpaq. Bul – Qazaqstan Respýblıkasy Tuńǵysh Prezıdentiniń saıabaǵy.
Mańǵystaý oblysy ákiminiń baspasóz qyzmeti habarlaǵandaı, saıabaq qalanyń jańa 40-shaǵyn aýdanynda ornalasady. Aýmaǵy 23 gektar jerdi alady dep belgilengen nysanda qala turǵyndarynyń belsendi demalýyna arnalǵan alańdar, birneshe saıabaqpen serýendeý aımaǵyn salý josparlanǵan. Gúlder alleıasy, mýzykalyq sýburqaǵy, balalar oıyn alańdary, sporttyq júgirý jáne velosıped joldary ornatylady. Saıabaqta tamshylatyp sýarý júıesi júrgizilip, demalýshylardy jelden qorǵaıtyn qorǵanysh bolady.
Demalys orny «BS stroy» JShS-nyń jeke qarajaty esebinen turǵyzylady. «BS stroy» JShS – óńirde sapaly da sáýletti turǵyn úı qurylystaryn, qala kórkin asyrar kórkem ǵımarattar turǵyzýmen tanylǵan kompanııa.
Tanymal kompanııa tizginin óz qolyna alǵan úlken saıabaqtyń qurylysyn 2026 jyly tolyq aıaqtaý josparlanǵan.
Mańǵystaý oblysy