Bıylǵy úsh aıda turaqty turý úshin Qazaqstanǵa 2 myń adam kelse, kóship-ketkender sany 5,5 myń adamdy qurady, dep habarlaıdy Egemen.kz.
QR Strategııalyq josparlaý jáne reformalar agenttigi Ulttyq statıstıka bıýrosy kóshi-qon qyzmeti organdaryna silteme jasap málimdeýinshe, 2021 jylǵy qańtar-naýryzda 2 066 adam elimizde turǵylyqty turý úshin tirkeldi. Qazaqstannan ketkender sany – 5 519 adam. Kóshi-qonnyń aıyrymy -3 453 adamdy qurady.
«Elimizdegi negizgi kóshi-qon almasýy TMD memleketterimen ótýde. TMD elderinen kelgenderdiń jáne sol elderge ketkenderdiń jalpy sanynyń úlesi 83,1% jáne 82,0% qurady», dedi vedomstvodan.
Belgili bolǵandaı, el ishinde qonys aýdaratyndar sany 9,5%-ǵa azaıǵan.
О́ńiraralyq qonys aýdarý boıynsha halyq kóshi-qonynyń oń aıyrymy elimizdiń 4 óńirinde baıqaldy: Almaty (7 955 adam), Shymkent (5 681 adam), Nur-Sultan (6 260 adam) qalalarynda jáne Mańǵystaý oblysynda (319 adam).