Almaty qalasynda tanymal adamdar jarnamalaǵan iri qarjy pıramıdasynyń uıymdastyrýshysy qolǵa tústi. Bul týraly Almaty qalalyq polısııa basqarmasy bastyǵynyń tergeý jumysy jónindegi orynbasary Rýstam Ábdirahmanov málim etti, dep habarlaıdy Egemen.kz.
«Ustalǵan K. esimdi azamat 1982 jyly týǵan. Oǵan QR Qylmystyq kodeksiniń 217-baby, 3-bóligi, 2-tarmaǵy boıynsha qylmys jasady dep aıyp taǵyldy. Kúdikti ustalyp, qamaýǵa alyndy», dep jazdy Rústem Ábdirahmanov Facebook-tegi paraqshasynda.
Ol bir top azamattyń Almaty qalalyq polısııa departamentine qarjy pıramıdasyn qurý jáne basqarý faktisi boıynsha «ASTEX.KZ» JShS, «ACD technology» JShS jáne «MUDARABAN Capital» JShS basshylaryna qatysty ujymdyq ótinish túsirgenin aıtty.
«Sotqa deıingi tergeý barysynda 2019 jyldyń aqpanynan bastap 2021 jyldyń qańtaryna deıingi aralyqta atalǵan JShS-lardyń laýazymdy tulǵalary jeke jáne zańdy tulǵalarmen memlekettik satyp alýǵa qatysýǵa talap etilgen qarajatty taratý maqsatynda birlesken qyzmet týraly kelisimsharttar jasaǵany belgili boldy. Ekijaqty qujatqa sáıkes fırmalar aı saıyn ár salymshyǵa salynǵan jarna somasynyń 20% tólep otyrýy kerek bolǵan», dedi basqarma basshysynyń orynbasary.
Oǵan qosa, 160 salymshynyń «ASTEX.KZ» JShS-degi shamamen 1 mıllıard teńge kólemindegi qarajaty onyń agent kompanııasy «MUDARABAN CAPITAL» JShS arqyly aýdarylǵany anyqtaldy.
Sonymen qatar qarjy pıramıdasyn quryp, basqarǵany úshin 47 jastaǵy er adam kúdikke ilindi. Ony ustaý úshin jedel-tergeý is-sharalar kesheni júrgizilip jatyr. Sotaldy tergeý Almaty qalasy DP Tergeý basqarmasynyń tergeýshilerine júktelgen.