Atyraýdaǵy jasóspirimder úıiniń qurylysyna Kaspıı qubyr konsorsıýmy 241 mln teńge jumsady, dep habarlaıdy Egemen.kz.
Konsorsıýmnyń bas dırektory Nıkolaı Gorbannyń aıtýynsha, byltyr Atyraý oblysyndaǵy qaıyrymdylyq jobalaryn iske asyrýǵa 3 mln dollar baǵyttalypty. Al, sońǵy bes jylda óńirdiń áleýmettik ınfraqurylymyn damytýǵa shamamen 10 mln AQSh dollary bólingen eken.
Atyraý qalasynyń ákimi Qaırat Orazbaevtyń málim etýinshe, jańa ǵımarat ótken ǵasyrdyń 60-jyldaryndaǵy nysannyń ornynan boı kóterdi. Nysan 25 tárbıelenýshige arnalypty. Jobaǵa sáıkes birinshi qabatta asúı, kir jýatyn, demalys bólmeleri, konferens-zal bar. Sport zaly kópfýnksııaly birneshe sporttyq qural-jabdyqpen qamtylǵan. Ekinshi qabattaǵy jatyn bólmeler túrli jıhazben jabdyqtalǵan.
Jasóspirimder úıi balalar aýyldarynyń tárbıelenýshileri men balalar úıleriniń, jetim jáne ata-anasynyń qamqorlyǵynsyz qalǵan balalarǵa arnalǵan mektep-ınternattardyń túlekterin áleýmettik beıimdeý úshin ashylyp otyr. Munda 16-23 jas aralyǵyndaǵy jasóspirimder men jastar turady. Olar keıin jergilikti ákimdik beretin páterlerge kóshedi.