Tokıodaǵy 6 myńǵa jýyq dáriger qaladaǵy koronavırýstyń tórtinshi tolqynyna baılanysty Olımpıada ótkizbeýge shaqyrdy, dep habarlaıdy Egemen.kz.
Osydan bir apta buryn japon klınıkalaryndaǵy dárigerler toby olımpıadany qaýipsiz ótkizýdiń múmkin emestigin málimdedi. Japonııa turǵyndarynyń basym bóligi de bul sharany keıinge qaldyrýdy jaqtady. Eldegi 47 prefektýranyń 9-ynda tótenshe jaǵdaı mamyr aıynyń sońyna deıin jarııalandy. 125 mıllıonnan astam japondyqtyń tek úsh paıyzy koronavıýsqa qarsy vaksınanyń bir dozasyn aldy. Qazir bul elde aýrýhanalar tolyp, dárigerler júktemesi arta tústi.
Eske salaıyq, pandemııaǵa baılanysty 2020 jyldyń tamyzynda ótýi tıis Tokıo olımpıadasy keıinge qaldyryldy. 2021 jyldyń basynda Halyqaralyq Olımpıada komıtetiniń prezıdenti Tomas Bah bıyl Olımpıada oıyndary josparlanǵan ýaqytta ótetinin málimdedi.
Olımpıadada 33 sport túrinen 339 medal jıyntyǵy sarapqa salynady. Sondaı-aq bıyl dúbirli dodaǵa beısbol, karate, serfıng, quzǵa órmeleý jáne skeıdbordıng sekildi jańa sport túrleri qosyldy.
Al, qazaqstandyq sportshylar Tokıo olımpıadasynda el namysyn sporttyń 30 túrinen qorǵaýdy josparlap otyr. Ázirge QR sportshylary Olımpıadaǵa 53 joldama jeńip aldy.