Oblystyq tótenshe jaǵdaılar departamenti baspasóz qyzmetiniń aqparatyna qaraǵanda, 19 mamyrda tús mezgilinde teńiz jaǵalaýyndaǵy qamystyń órtengeni anyqtalǵan, dep habarlaıdy Egemen.kz.
«Teńiz jaǵalaýyndaǵy qamys órtin barlaý úshin saǵat 16:00-de «Kazavıaqutqarý» AQ batys óńirlik fılıalynyń «MI-8 MTV» tikushaǵymen áýeden barlaý júrgizildi. Barlaý kezinde Keńózek aýyldyq okrýgine qarasty Tasqala aýylynan shamamen 40 shaqyrym qashyqta, Kaspıı teńiziniń jaǵalaýyndaǵy qamystyń órtengeni anyqtaldy. Teńiz jaǵalaýyndaǵy batpaqty jerde shamamen 32 gektaraýmaqtyń qurǵaq shóbi men qamys janǵan. Sondaı-aq, 10,6 gektar aýmaqtaǵy 5 órt oshaǵy anyqtalyp, tikushaqpen áýeden birneshe ret sý tógildi», dep habarlady departamenttiń baspasóz qyzmeti.
Qazir qamys órtiniń taralmaýyn qadaǵalaý úshin 2 órt sóndirý avtokóligimen kezekshilik uıymdastyrylyp otyr. Al, erteń 20 mamyrda órtti sóndirýge arnaıy mamandar men tehnıkalar jumyldyrylady.