Qazaqstan Respýblıkasynyń Mádenıet jáne sport mınıstri Aqtoty Raıymqulova elimizdiń mádenıet jáne óner salasy qyzmetkerlerin kásibı merekemen quttyqtady, dep habarlaıdy Egemen.kz.
«Qurmetti dostar! Ardaqty aǵaıyn!
Sizderdi 21 mamyr – elimizdiń mádenıet jáne óner salasy qyzmetkerleri kúnimen shyn júrekten quttyqtaımyn!Búgin mádenıet pen óner salasynyń mamandary halyq aldynda jyl boıy atqarǵan jumysyna esep berýdi ishteı paryz sanasa, halyq alty atanǵa júk bolar jaýapkershilik arqalap kele jatqan jandarǵa alǵys aıtatyn aıshyqty kún. Tuńǵysh Prezıdent – Elbasy Nursultan Nazarbaevtyń Jarlyǵyna saı 2013 jyldan bastap merekelenetin bul ataýly kún jas bolsa da, orda buzar otyzdy alqymdaǵan Uly Dala eliniń rýhanııatyn, mádenı dıdaryn aıshyqtaý jolynda aıanbaı qyzmet etip júrgen kóńilderi kóldeı qos sala qyzmetkerleri úshin asa qymbat.Azattyqtyń araıly tańynan bastap eldiń sanasyn silkintýge baǵyttalǵan batyl bastamalar men mazmundy baǵdarlamalardyń baıyppen iske asýyna aqyn-jazýshy, kitaphanashy, artıster men arhıv, mýzeı, óner oshaǵyndaǵy ózge de mamandar qosqan úles ólsheýsiz. Osy oraıda jadymyzdy jańǵyrtqan «Halyq – tarıh tolqynynda», «Mádenı mura», «Rýhanı jańǵyrý» syndy baǵdarlamany, Qazaq handyǵynyń 550, Ulyq ulys – Altyn ordanyń 750 jyldyǵyn jáne tuǵyrly tulǵalarymyzdyń mereıtoıyn aıta alamyz.Tipti, álem alapat indetpen arpalysyp jatqan jyldary da mádenıet pen óner qaıratkerleri aldyńǵy shepten kórinip, onlaın formatta konsert, qoıylym, kórme, ekskýrsııa, ádebı kesh uıymdastyrý arqyly úıde otyrǵan eldiń eńsesin tikteýge, jan dúnıesin baıytýǵa baryp salyp jatyr.Aldaǵy ýaqytta kisiligi kemel, parasat-paıymy mol áriptesterimniń ulysty uıytatyn ıgi isterge bilek sybana kirisip, kópti qýanta beretinine senimim mol. Únemi eseli eńbekteri berekeli bolyp, tolaıym tabysqa qol jetkize berýine tilektespin.
Osynaý oraıly sátti paıdalana otyryp, barshańyzǵa myqty densaýlyq, qajymas qaırat, ortaımas yrzyq-nesibe tileımin!», dep jazylǵan mınıstrdiń quttyqtaý hatynda.