Beısenbi kúni keshke Úndistannyń soltústik-batysyndaǵy Pendjab shtatynda eldiń áskerı-áýe kúshteriniń «Bızon» dep atalatyn MıG-21 joıǵysh ushaǵy apatqa ushyrady. Bul týraly eldiń ÁÁK aqparattyq qyzmeti Twitter-de málimdedi, dep habarlaıdy Egemen.kz
«Keshe keshke batys sektorynda «Bızon» ushaǵy qulady. Onyń ushqyshy, eskadrılıa komandıri Abhınav Choýdharı qaza tapty. Úndistan eliniń ÁÁK mert bolǵan ushqyshtyń otbasyna qaıǵyryp kóńil aıtady», delingen habarlamada. ANI agenttiginiń avıasııalyq derekkózderge silteme jasap habarlaýynsha, ushaq josparly oqý-jattyǵýlyq ushýyn ótkizgen.
Aıta keteıik, bıyl MıG-21 ushaǵynyń qatysýymen bolǵan úshinshi áýe oqıǵasy. Naýryz aıynda bolǵan týra osyndaı apatta ushqysh qaza tapqan.