Latvııa astanasy Rıgada ótip jatqan hokkeıden álem chempıonatyna qatysyp jatqan Qazaqstan quramasy ekinshi kezdesýinde qazirgi álem chempıony Fınlıandııa quramasyn utty, dep habarlaıdy Egemen.kz.
Ekinshi kezeńniń 33-mınýtynda fınlıandııalyq Anton Lýndell esep ashsa, oǵan 35-mınýtta Kırıll Panıýkov bir shaıbamen jaýap berdi.
Úshinshi kezeńde jáne overtaımda komandalar jeńisti goldy qaqpaǵa daryta almady. Match taǵdyry býllıt serııasynda ǵana sheshildi. Osylaısha, buǵan deıin tórt márte fınlıandııalyqtardan jeńilip qalǵan hokkeıshilerimiz bul joly 2-1 esebimen jeńiske jetti.
Qazaqstan komandasy alǵashqy matchta Latvııamen kezdesip, býllıt serııasy boıynsha 3:2 esebimen jeńiske jetkeni týraly buǵan deıin de habarlaǵan edik.Aıta keteıik, qazaqstandyq hokkeıshiler endi 25 mamyrda AQSh quramasymen kezdesedi.