Búgin belgisiz bireýlerdiń jarylǵysh zat qoıylǵany týraly bilim berý mekemeleriniń elektrondy poshtalaryna hat joldaǵany týraly polısııanyń «102» arnasyna birneshe shaqyrtý kelip túsken, dep habarlaıdy Egemen.kz Nur-Sultan qalalyq PD baspasóz qyzmetine silteme jasap.
Qazirgi kezde mektepterdiń aýmaǵynan adamdardy kóshirý aıaqtaldy. Jarylǵysh zat tabylǵan joq. Atalǵan fakt boıynsha sotqa deıingi tergep tekserý bastaldy.
Jedel-izdestirý is-sharalary júrgizilýde. Nur-Sultan qalasynyń Polısııa departamenti jarylǵysh zat qoıylǵany týraly qasaqana jalǵan habarlama úshin qylmystyq jaýapkershilik qarastyrylǵanyn eskertedi.
Azamattardan dúrbeleń týdyrmaýdy jáne messendjerlerde jalǵan habarlamany taratpaýdy suraıdy.